Courtesy: https://www.chittorgarh.com/
Review By Dilip Davda on December 6, 2025
- કંપની ઉત્તર ભારતમાં બીજી સૌથી મોટી ખાનગી હોસ્પિટલ ચેઇન છે, જેની કુલ પથારી ક્ષમતા ૩૦૦૦+ પથારીની છે.
- હોસ્પિટલોના નવા અધિગ્રહણ (એક્વિઝિશન)ને પગલે નાણાકીય વર્ષ ૨૦૨૪ માટે કંપનીએ નબળાઈ દર્શાવી હતી.
- તણાવયુક્ત સંપત્તિઓ હસ્તગત કરવાની અને તેને એક વર્ષની અંદર નફાકારક બનાવવાની તેની યોજનાએ ઊંચા માર્જિનના સ્વરૂપમાં લાભ આપ્યો છે.
- તેના તાજેતરના નાણાકીય ડેટાના આધારે, આ ઇશ્યૂ સંપૂર્ણ કિંમતવાળો જણાય છે.
- રોકાણકારો મધ્યમથી લાંબા ગાળા માટે તેને ખરીદી શકે છે.
કંપની વિશે
પાર્ક મેડી વર્લ્ડ લિમિટેડ (પીએમડબલ્યુએલ) ઉત્તર ભારતમાં બીજી સૌથી મોટી ખાનગી હોસ્પિટલ ચેઇન છે, જેની કુલ પથારી ક્ષમતા ૩,૦૦૦ પથારીની છે, અને ૩૧ માર્ચ, ૨૦૨૫ની સ્થિતિએ હરિયાણા રાજ્યમાં ૧,૬૦૦ પથારી સાથે પથારી ક્ષમતાની દ્રષ્ટિએ સૌથી મોટી ખાનગી હોસ્પિટલ ચેઇન છે. (સ્રોતઃ ક્રિસિલ અહેવાલ)
કંપની ‘પાર્ક’ બ્રાન્ડ હેઠળ ૧૪ નેબલ માન્યતાપ્રાપ્ત મલ્ટી-સુપર સ્પેશિયાલિટી હોસ્પિટલોનું નેટવર્ક ચલાવે છે, જેમાંથી આઠ હોસ્પિટલો નેબલ માન્યતાપ્રાપ્ત પણ છે. આ હોસ્પિટલોમાં હરિયાણામાં આઠ, નવી દિલ્હીમાં એક, પંજાબમાં ત્રણ અને રાજસ્થાનમાં બે હોસ્પિટલોનો સમાવેશ થાય છે. આ દરેક હોસ્પિટલ વિવિધ પ્રકારની વિશેષતાઓમાં ઉચ્ચ-ગુણવત્તાવાળી અને સસ્તું તબીબી સેવાઓ પ્રદાન કરવા માટે પ્રતિબદ્ધ છે.
કંપની ૩૦થી વધુ સુપર સ્પેશિયાલિટી અને સ્પેશિયાલિટી સેવાઓ પ્રદાન કરે છે, જેમાં આંતરિક દવા , ન્યુરોલોજી, યુરોલોજી, ગેસ્ટ્રોએન્ટેરોલોજી, જનરલ સર્જરી, ઓર્થોપેડિક્સ અને ઓન્કોલોજીનો સમાવેશ થાય છે. ૩૦ સપ્ટેમ્બર, ૨૦૨૫ની સ્થિતિએ, કંપની પાસે હોસ્પિટલોમાં ક્લિનિકલ અને દર્દીઓની સંભાળ પૂરી પાડવા માટે ૧,૦૧૪ ડોકટરો અને ૨,૧૪૨ નર્સોની સમર્પિત ટીમ હતી.
પીએમડબલ્યુએલ એ હોસ્પિટલોના નેટવર્કને વિકસાવવા માટે ક્લસ્ટર-આધારિત અભિગમ અપનાવ્યો, જે હોસ્પિટલો વચ્ચેની નિકટતાના લાભોનો ઉપયોગ કરીને કાર્યકારી કાર્યક્ષમતા તરફ દોરી જાય છે અને તેને મોટાપાયાની અર્થવ્યવસ્થાનો લાભ મેળવવા સક્ષમ બનાવે છે. તેણે હસ્તગત કરેલી હોસ્પિટલો ૩૦ સપ્ટેમ્બર, ૨૦૨૫ના રોજ પૂરા થયેલા છ મહિનામાં કામગીરીમાંથી થતી આવકના ૫૫.૧૨%, ઈબીઆઈટીડીએ ના ૫૪.૮૫% અને કર પછીના પુનર્વ્યાખ્યાયિત નફા ના ૬૧.૯૦% હિસ્સો ધરાવે છે, જે નેટવર્કમાં હોસ્પિટલોને સફળતાપૂર્વક હસ્તગત અને સંકલિત કરવાની તેની ક્ષમતા દર્શાવે છે.
તેની પથારી ક્ષમતા ૩૧ માર્ચ, ૨૦૨૩ની સ્થિતિએ ૨૫૫૦ થી વધીને ૩૦ સપ્ટેમ્બર, ૨૦૨૫ની સ્થિતિએ ૩૨૫૦ થઈ છે. તેની મોટા ભાગની આવક હરિયાણામાંથી આવે છે, કારણ કે તેની અહીં ૧૬૦૦ પથારીની ક્ષમતા છે, ત્યારબાદ પંજાબમાં ૯૦૦ પથારી, રાજસ્થાનમાં ૫૫૦ પથારી અને દિલ્હીમાં ૨૦૦ પથારીની ક્ષમતા છે.
કંપની પાસે હાલમાં અંબાલા, પંચકુલા, રોહતક, નવી દિલ્હી, ગોરખપુર અને કાનપુરમાં હોસ્પિટલ વિસ્તરણની યોજના છે. અંબાલામાં, તેણે હાલની હોસ્પિટલની બાજુમાં જમીન ખરીદી છે અને ૨૫૦ પથારીની ક્ષમતા વધારીને ૪૫૦ પથારી કરવાની અને ઓન્કો-રેડિયેશન સુવિધા સ્થાપિત કરવાની પ્રક્રિયામાં છે, જે ઓક્ટોબર ૨૦૨૭ સુધીમાં કાર્યરત થવાની અપેક્ષા છે. પંચકુલામાં, તે ૩૦૦ પથારીની ક્ષમતા સાથેની મલ્ટી સુપર-સ્પેશિયાલિટી હોસ્પિટલના નિર્માણની પ્રક્રિયામાં છે, જે એપ્રિલ ૨૦૨૬ સુધીમાં કાર્યરત થવાની અપેક્ષા છે, જ્યારે રોહતકમાં, કંપની ૨૫૦ પથારીની ક્ષમતાવાળી હોસ્પિટલનું નિર્માણ કરી રહી છે, જે ડિસેમ્બર ૨૦૨૬ સુધીમાં કાર્યરત થવાની અપેક્ષા છે.
વધુમાં, બ્લુ હેવન્સ , જે કંપનીની પેટાકંપની છે, તેણે ઇન્સોલ્વન્સી એન્ડ બેન્કરપ્સી કોડ, ૨૦૧૬ની જોગવાઈઓ હેઠળ દુર્હા વિતરાકના સંબંધમાં નિમણૂક કરાયેલા રિઝોલ્યુશન પ્રોફેશનલને દુર્હા વિતરાક (જે નરેલા, નવી દિલ્હીમાં ફેબ્રિસ મલ્ટી સ્પેશિયાલિટી હોસ્પિટલ તરીકે કાર્યરત છે)ના સૂચિત અધિગ્રહણ માટે રિઝોલ્યુશન પ્લાન રજૂ કર્યો હતો. એનસીએલટીના આદેશ અનુસાર, રિઝોલ્યુશન પ્લાનને મંજૂરી આપવામાં આવી હતી.
પાર્ક જૂથ તણાવયુક્ત સંપત્તિઓ હસ્તગત કરવા અને તેને એક વર્ષની અંદર નફાકારક બનાવવાની તેની કાર્યપદ્ધતિ (ર્દ્બઙ્ઘેજર્ ીટ્ઠિહઙ્ઘ) માટે જાણીતું છે. આને કારણે, તેનો પ્રતિ પથારી ખર્ચ નજીવો છે અને આમ, તે વધુ સારું માર્જિન કમાય છે. ૩૦ સપ્ટેમ્બર, ૨૦૨૫ની સ્થિતિએ, તેની હોસ્પિટલોમાં ૧,૦૧૪ ડોકટરો, ૨,૧૪૨ નર્સો, ૭૩૦ તબીબી વ્યાવસાયિકો અને ૨,૦૨૫ સહાયક કર્મચારીઓની ટીમ હતી.
ઇશ્યૂની વિગતો/મૂડીનો ઇતિહાસ
કંપની રૂ. ૯૨૦.૦૦ કરોડ (અંદાજે ૫૬૭૯૦૧૨૩ ઇક્વિટી શેર્સ, જેની દરેકની કિંમત ઉપલી મર્યાદાએ રૂ. ૨ છે)ના તેના પ્રથમ બુક બિલ્ડિંગ રૂટ કોમ્બો આઈપીઓ સાથે આવી રહી છે. આ ઇશ્યૂમાં રૂ. ૭૭૦.૦૦ કરોડના તાજા ઇક્વિટી ઇશ્યૂ (અંદાજે ૪૭૫૩૦૮૬૪ શેર્સ ઉપલી મર્યાદાએ) અને ૯૨૫૯૨૫૯ ઇક્વિટી શેર્સનો વેચાણ માટેની ઓફર (ઉપલી મર્યાદાએ રૂ. ૧૫૦.૦૦ કરોડની કિંમત)નો સમાવેશ થાય છે. કંપનીએ તેના રૂ. ૨ના દરેક ઇક્વિટી શેર માટે રૂ. ૧૫૪ – રૂ. ૧૬૨ની પ્રાઇસ બેન્ડ જાહેર કરી છે. આ ઇશ્યૂ ૧૦ ડિસેમ્બર, ૨૦૨૫ના રોજ સબ્સ્ક્રિપ્શન માટે ખુલે છે અને ૧૨ ડિસેમ્બર, ૨૦૨૫ના રોજ બંધ થશે. કરવાની ન્યૂનતમ અરજી ૯૨ શેરો માટે અને ત્યારબાદ તેના ગુણાંકમાં હોવી જોઈએ. ફાળવણી પછી, શેર બીએસઈ અને એનએસઈ પર લિસ્ટેડ થશે. આ ઇશ્યૂ આઈપીઓ પછીની ભરપાઈ થયેલ ઇક્વિટી મૂડીના ૧૩.૧૫% જેટલો છે.
તાજા ઇક્વિટી ઇશ્યૂની ચોખ્ખી આવકમાંથી, કંપની રૂ. ૩૮૦.૦૦ કરોડનો ઉપયોગ બાકી લોનની સંપૂર્ણ અથવા આંશિક ચુકવણી/પ્રીપેમેન્ટ માટે, રૂ. ૬૦.૫૦ કરોડનો ઉપયોગ તેની પેટાકંપની પાર્ક મેડિસિટીની નવી હોસ્પિટલના વિકાસ અને હાલની હોસ્પિટલના વિસ્તરણ માટેના મૂડી ખર્ચ (કેપેક્સ) માટે, રૂ. ૨૭.૪૬ કરોડનો ઉપયોગ કંપની અને તેની પેટાકંપનીઓ માટે તબીબી ઉપકરણોની ખરીદી માટેના મૂડી ખર્ચ (કેપેક્સ) માટે કરશે અને બાકીની રકમનો ઉપયોગ અકાર્બનિક વૃદ્ધિતેમજ સામાન્ય કોર્પોરેટ હેતુઓ માટે કરવામાં આવશે.
આ ઇશ્યૂ માટેના ચાર બુક રનિંગ લીડ મેનેજર્સ નુવામા વેલ્થ મેનેજમેન્ટ લિ. , સીએલએસએ ઇન્ડિયા પ્રા. લિ. , ડેમ કેપિટલ એડવાઇઝર્સ લિ. , ઇન્ટેન્સિવ ફિસ્કલ સર્વિસીસ પ્રા. લિ. છે, જ્યારે કેફિન ટેકનોલોજીસ લિ. ઇશ્યૂના રજિસ્ટ્રાર છે. શેરખાન લિ. અને નુવામા વેલ્થ મેનેજમેન્ટ લિ. સિન્ડિકેટ સભ્યો છે.
પ્રારંભિક ઇક્વિટી શેર્સ સમાન મૂલ્યે જારી કર્યા પછી, કંપનીએ નવેમ્બર ૨૦૧૧માં રૂ. ૨૦ પ્રતિ શેરના નિશ્ચિત ભાવે (રૂ. ૨ની ફેસ વેલ્યુના આધારે) વધુ ઇક્વિટી શેર્સ જારી કર્યા છે. તેણે ઓક્ટોબર ૨૦૧૯માં ૩૦ઃ૧, માર્ચ ૨૦૨૧માં ૧ઃ૧ અને ફેબ્રુઆરી ૨૦૨૨માં ૩ઃ૧ના ગુણોત્તરમાં બોનસ શેર્સ પણ જારી કર્યા છે. પ્રમોટરો/વેચાણ કરનાર હિસ્સેદારો દ્વારા શેરોની ખરીદીની સરેરાશ કિંમત પ્રતિ શેર રૂ. ૦.૦૭ અને રૂ. ૦.૦૮ છે.
આઈપીઓ પછી, તેની વર્તમાન ભરપાઈ થયેલ ઇક્વિટી મૂડી રૂ. ૭૬.૮૮ કરોડથી વધીને રૂ. ૮૬.૩૯ કરોડ થશે. આઈપીઓ પ્રાઇસ બેન્ડની ઉપલી મર્યાદાના આધારે, કંપની રૂ. ૬૯૯૭.૨૮ કરોડનું બજાર મૂલ્ય મેળવવાની અપેક્ષા રાખે છે.
નાણાકીય કામગીરી
નાણાકીય કામગીરીના મોરચે, છેલ્લા ત્રણ નાણાકીય વર્ષો માટે, કંપનીએ (સંકલિત ધોરણે) કુલ આવક/ચોખ્ખો નફો પોસ્ટ કર્યો છે, જે આ પ્રમાણે છેઃ નાણાકીય વર્ષ ૨૦૨૩માં રૂ. ૧૨૭૨.૧૮ કરોડ / રૂ. ૨૨૮.૧૯ કરોડ, નાણાકીય વર્ષ ૨૦૨૪માં રૂ. ૧૨૬૩.૦૮ કરોડ / રૂ. ૧૫૨.૦૧ કરોડ, અને નાણાકીય વર્ષ ૨૦૨૫માં રૂ. ૧૪૨૫.૯૭ કરોડ / રૂ. ૨૧૩.૨૨ કરોડ. ૩૦ સપ્ટેમ્બર, ૨૦૨૫ના રોજ પૂરા થયેલા નાણાકીય વર્ષ ૨૦૨૬ના પ્રથમ છ મહિના માટે, તેણે રૂ. ૮૨૩.૩૯ કરોડની કુલ આવક પર રૂ. ૧૩૯.૧૪ કરોડનો ચોખ્ખો નફો મેળવ્યો છે. કંપનીએ તે વર્ષે હોસ્પિટલોના અધિગ્રહણ તરફ ધિરાણ ખર્ચ, ઘસારો અને અમૂર્ત મિલકતોના માંડી વાળવાના ખર્ચ માટે વધુ જોગવાઈઓના કારણે નાણાકીય વર્ષ ૨૦૨૪માં તેના નફામાં નબળાઈ દર્શાવી હતી.
છેલ્લા ત્રણ નાણાકીય વર્ષો માટે, કંપનીએ સરેરાશ ઈપીએસ રૂ. ૫.૦૮ અને સરેરાશ આરઓએનનડબલ્યુ ૨૧.૭૯ % પોસ્ટ કરેલ છે. ૩૦ સપ્ટેમ્બર, ૨૦૨૫ના રોજ તેની નેટ એસેટ વેલ્યૂ રૂ. ૩૦.૦૦ના આધારે આ ઇશ્યૂ ૫.૪ના પી/બીવી પર અને તેની આઈપીઆ પછીની નેટ એસેટ વેલ્યૂ રૂ. ૪૪.૫૨ પ્રતિ શેર (ઉપલી મર્યાદાએ)ના આધારે ૩.૬૪ના પી/બીવી પર કિંમતવાળો છે.
જો આપણે આઈપીઓ પછીની સંપૂર્ણ ડાયલ્યુટેડ ભરપાઈ થયેલ ઇક્વિટી મૂડીને નાણાકીય વર્ષ ૨૦૨૬ની વાર્ષિક આવકને આભારીએ, તો માંગવામાં આવેલી કિંમત ૨૫.૧૬ના નકારાત્મક પી/ઈ પર છે. નાણાકીય વર્ષ ૨૦૨૫ની કમાણીના આધારે પણ, પી/ઈ ૩૨.૭૯ રહે છે. આમ, આ ઇશ્યૂ સંપૂર્ણ કિંમતવાળો જણાય છે.
કંપનીએ ઉલ્લેખિત સમયગાળા માટે પી.એ.ટી. માર્જિન અનુક્રમે ૧૮.૧૯% (નાણાકીય વર્ષ ૨૦૨૩), ૧૨.૩૫% (નાણાકીય વર્ષ ૨૦૨૪), ૧૫.૩૦% (નાણાકીય વર્ષ ૨૦૨૫), ૧૭.૨૧% (નાણાકીય વર્ષ ૨૦૨૬-પ્રથમ છ મહિના) અને આરઓસીઈ માર્જિન અનુક્રમે ૨૬.૭૮%, ૧૬.૦૭%, ૧૭.૪૭%, ૯.૫૫% પોસ્ટ કર્યા છે.
ડિવિડન્ડ નીતિ
કંપનીએ ઓફર દસ્તાવેજના ઉલ્લેખિત સમયગાળા માટે કોઈ ડિવિડન્ડ જાહેર કર્યું નથી. તેણે તેના નાણાકીય પ્રદર્શન અને ભાવિ સંભાવનાઓના આધારે માર્ચ ૨૦૨૫માં ડિવિડન્ડ નીતિ અપનાવી છે.
લિસ્ટેડ સમકક્ષો સાથે સરખામણી
ઓફર દસ્તાવેજ મુજબ, કંપનીએ અપોલો હોસ્પિટલ્સ , ફોર્ટિસ હેલ્થકેર , નારાયણ હૃદયાલય , મેક્સ હેલ્થકેર , ક્રિષ્ના ઇન્સ્ટિટ્યૂટ , ગ્લોબલ હેલ્થ , જ્યુપિટર લાઈફ , યથાર્થ હોસ્પિટલ ને તેના લિસ્ટેડ સમકક્ષો તરીકે દર્શાવ્યા છે. તેઓ હાલમાં અનુક્રમે ૬૧.૮, ૬૬.૬, ૪૬.૧, ૭૫.૮, ૮૫.૭, ૫૨.૩, ૪૭.૩, અને ૪૩.૪ના પી/ઈ પર ટ્રેડિંગ કરી રહ્યા છે (૫ ડિસેમ્બર, ૨૦૨૫ની સ્થિતિએ). જોકે, તેઓ ખરા અર્થમાં સરખામણી કરવા યોગ્ય નથી. આ સરખામણી આંખમાં ધૂળ નાંખવા જેવી જણાય છે.
મર્ચન્ટ બેન્કરનો ટ્રેક રેકોર્ડ
ઓફર સાથે સંકળાયેલા ચાર બુક રનિંગ લીડ મેનેજર્સે છેલ્લા ત્રણ નાણાકીય વર્ષોમાં ૫૭ જાહેર ઇશ્યૂનું સંચાલન કર્યું છે, જેમાંથી ૧૭ ઇશ્યૂ લિસ્ટિંગ તારીખે ઓફર કિંમતથી નીચે બંધ થયા હતા.
નિષ્કર્ષ / રોકાણ વ્યૂહરચના
પીએમડબલ્યુએલ ઉત્તર ભારતમાં બીજી સૌથી મોટી ખાનગી હોસ્પિટલ ચેઇન છે, જેની કુલ પથારી ક્ષમતા ૩૦૦૦+ પથારીની છે. હોસ્પિટલોના નવા અધિગ્રહણને પગલે નાણાકીય વર્ષ ૨૦૨૪ માટે કંપનીએ નબળાઈ દર્શાવી હતી. તણાવયુક્ત સંપત્તિઓ હસ્તગત કરવાની અને તેને એક વર્ષની અંદર નફાકારક બનાવવાની તેની યોજનાએ ઊંચા માર્જિનના સ્વરૂપમાં લાભ આપ્યો છે. તેના તાજેતરના નાણાકીય ડેટાના આધારે, આ ઇશ્યૂ સંપૂર્ણ કિંમતવાળો જણાય છે. રોકાણકારો મધ્યમથી લાંબા ગાળા માટે તેને ખરીદી શકે છે.
–
Review By Dilip Davda on December 6, 2025
Review Author
DISCLAIMER: No financial information whatsoever published anywhere here should be construed as an offer to buy or sell securities, or as advice to do so in any way whatsoever. All matter published here is purely for educational and information purposes only and under no circumstances should be used for making investment decisions. My reviews do not cover GMP market and operators game plans. Readers must consult a qualified financial advisor before making any actual investment decisions, based the on information published here. With entry barriers, SEBI wants only well-informed investors to participate in such offers. With crazy listings in the recent past, SME IPOs drew the attention of investors across the board and lead to seer madness. However, as SME issues have entry barriers and continued low preference from the broking community, any reader taking decisions based on any information published here does so entirely at their own risk. The above information is based on information available as of date coupled with market perceptions. The Author has no plans to invest in this offer.
About Dilip Davda
Dilip Davda is veteran journalist associated with stock market since 1978. He is contributing to print and electronic media on stock markets/insurance/finance since 1985.
Dilip Davda is a leading reviewer of public issues and NCDs in the primary stock market in India. The knowledge he gained over 3 decades while working in the stock market and a strong relationship with popular lead managers makes his reviews unique. His detailed fundamental and financial analysis of companies coming up with IPOs helps investors in the primary stock market. Dilip Davda has a special interest in analyzing the SME companies and writing reviews about their public issues. His reviews are regularly published online and in news papers.
(Dilip Davda -SEBI registered Research Analyst-Mumbai,
Registration no. INH000003127 (Perpetual)
Email id: dilip_davda@rediffmail.com ).
Courtesy: https://www.chittorgarh.com/
