એપોલો ટેકનો બીએસઈ એસએમઈ આઈપીઓ સમીક્ષા

Courtesy:  https://www.chittorgarh.com/

Review By Dilip Davda on December 19, 2025

• કંપની બાંધકામ ઉદ્યોગ માટે ટ્રેન્ચલેસ ટેકનોલોજી અને ફાઉન્ડેશન સાધનોમાં વિશેષતા ધરાવતી ઉત્પાદક છે.
• તેની પાસે અમુક એવા જટિલ ઉત્પાદનો છે જેની માંગ ખૂબ જ વધારે છે.
• કંપનીએ રિપોર્ટ કરેલા સમયગાળા માટે અનિયમિત નાણાકીય કામગીરી નોંધાવી છે.
• જોકે તેણે નાણાકીય વર્ષ ૨૦૨૪ માટે કુલ આવકમાં ઘટાડો નોંધાવ્યો હતો, તેમ છતાં તેણે વધુ ચોખ્ખો નફો નોંધાવ્યો છે, જે સૌને આશ્ચર્યચકિત કરે છે.
• નાણાકીય વર્ષ ૨૦૨૫ (આઈપીઓ પહેલાનું વર્ષ) માટેનું રેકોર્ડ પ્રદર્શન આશ્ચર્ય પેદા કરે છે અને તેની ટકાઉપણું અંગે ચિંતા ઉભી કરે છે.
• તેના તાજેતરના નાણાકીય ડેટાના આધારે, આ ઈશ્યુની કિંમત લોભામણી રીતે નક્કી કરવામાં આવી હોય તેવું જણાય છે.
• જાણકાર અને વધારાની રોકડ ધરાવતા રોકાણકારો લાંબા ગાળા માટે મર્યાદિત ભંડોળ રોકી શકે છે.

કંપની વિશેઃ

એપોલો ટેકનો ઇન્ડસ્ટ્રીઝ લિમિટેડ (એટીઆઈએલ) એ બાંધકામ ઉદ્યોગ માટે ટ્રેન્ચલેસ ટેકનોલોજી અને ફાઉન્ડેશન સાધનોમાં વિશેષતા ધરાવતી ઉત્પાદક કંપની છે. તેની પ્રોડક્ટ લાઇન-અપમાં હોરિઝોન્ટલ ડાયરેક્શનલ ડ્રિલિંગ (એચડીડી) રિગ્સ, ડાયાફ્રામ ડ્રિલિંગ રિગ્સ, રોટરી ડ્રિલિંગ રિગ્સ અને સ્પેર પાટ્‌ર્સનો સમાવેશ થાય છે. હોરિઝોન્ટલ ડાયરેક્શનલ ડ્રિલિંગ રિગ્સનો ઉપયોગ મુખ્યત્વે ગેસ પાઇપલાઇન, વોટર સપ્લાય લાઇન, ગટર લાઇન, ઓપ્ટિકલ ફાઇબર કેબલ અને ઇલેક્ટ્રિકલ કન્ડ્યુટ્‌સ જેવી આવશ્યક ઉપયોગિતાઓના ઇન્સ્ટોલેશન માટે થાય છે. ડાયાફ્રામ ડ્રિલિંગ રિગ્સ ઊંડા બેઝમેન્ટ્‌સ, રેલ્વે, એરપોર્ટ અને મેટ્રો સ્ટેશનોમાં રિટેનિંગ વોલ્સ તેમજ રિવરફ્રન્ટ્‌સ સાથેના વિકાસ માટે ફાઉન્ડેશન બનાવવા માટે ડિઝાઇન કરવામાં આવી છે. રોટરી ડ્રિલિંગ રિગ્સનો ઉપયોગ ગગનચુંબી ઇમારતો અને પુલો માટે જરૂરી ફાઉન્ડેશન પાઈલ્સ બનાવવા માટે કરવામાં આવે છે.

કંપની ગ્રાહકો તેની મશીનરીનો અસરકારક રીતે ઉપયોગ કરવા માટે સજ્જ છે તેની ખાતરી કરવા માટે વોરંટી, ઓન-સાઇટ સપોર્ટ અને ટેકનિકલ તાલીમ પણ પૂરી પાડે છે. વર્ષ ૨૦૧૭ માં, તેણે સ્થાનિક બજારમાં વ્યાપારી કામગીરી શરૂ કરી હતી. તે જ વર્ષે તેણે એપોલો એ૮૦૦ એચડીડી મશીન ઉત્પાદનની નિકાસ કરી હતી. વર્ષ ૨૦૧૯ માં કંપનીએ વધુમાં એપોલો એ૧૨૦૦ એચડીડી મશીન લોન્ચ કર્યું હતું. વર્ષ ૨૦૨૧ માં તેણે પેટાકંપની એપોલો ટેકનો ઇક્વિપમેન્ટ્‌સ લિમિટેડ હસ્તગત કરી હતી. તેના પ્રોડક્ટ પોર્ટફોલિયોને વિસ્તારવા અને નવા ઉત્પાદનો ઓફર કરવા માટે, તેણે વર્ષ ૨૦૨૩ માં ડાયાફ્રામ વોલ ડ્રિલિંગ રિગ મશીન લોન્ચ કર્યું છે. તેની સંસ્થાએ ચાલુ સુધારાઓ અને ગ્રાહક સહાય દ્વારા વૃદ્ધિનો અનુભવ કર્યો છે.

કંપની એસએપી ઈઆરપી સિસ્ટમ પર કાર્ય કરે છે, જે તેની ઉત્પાદન પ્રક્રિયાઓને વધારે છે. કંપની ગુણવત્તાયુક્ત ઉત્પાદનો પહોંચાડવા માટે કટિબદ્ધ છે અને કામગીરીના દરેક પાસાઓમાં ઉચ્ચતમ ધોરણો જાળવવાનો પ્રયાસ કરે છે. તે આઈએસઓ ૯૦૦૧ઃ૨૦૧૫ ના ગુણવત્તા વ્યવસ્થાપન સિસ્ટમ પ્રમાણપત્ર સાથે માન્યતા પ્રાપ્ત છે. ઇન-હાઉસ ડિઝાઇન અને એન્જિનિયરિંગ ક્ષમતાઓ સાથે, તે ગ્રાહકોને ગુણવત્તા પર ભાર મૂકતા ઉત્પાદનો અને ઉકેલોની વ્યાપક શ્રેણી ઓફર કરવામાં સક્ષમ છે. ૩૦ જૂન, ૨૦૨૫ સુધીમાં તેની પાસે ડિઝાઇન વિભાગમાં ૫ (પાંચ) સભ્યોની ટીમ છે. આ વ્યૂહાત્મક ફોકસથી તે સ્થાનિક અને આંતરરાષ્ટ્રીય સ્તરે વ્યવસાય વિસ્તારવા સક્ષમ બની છે. તેની ઉત્પાદન ક્ષમતાઓ ઉપરાંત, કંપની તેના ફેક્ટરીમાં વપરાયેલા મશીનો માટે રિફર્બિશમેન્ટ સેવાઓ પણ પ્રદાન કરે છે.

આ વ્યાપક અભિગમ માત્ર તેની ઉત્પાદન ઓફરિંગમાં વધારો કરતો નથી પરંતુ બાંધકામ સાધનોના બજારમાં ટકાઉપણું અને ગ્રાહક સંતોષ પ્રત્યેની પ્રતિબદ્ધતાને પણ મજબૂત બનાવે છે. એટીઆઈએલ એ એકમાત્ર સ્થાનિક ઉત્પાદક છે જે હોરિઝોન્ટલ ડાયરેક્શનલ ડ્રિલિંગ ઇક્વિપમેન્ટ્‌સ, ડાયાફ્રામ વોલ ડ્રિલિંગ રિગ્સના ઉત્પાદનમાં કાર્યરત છે અને રોટરી ડ્રિલિંગ રિગ્સના ઉત્પાદકોમાંની એક છે જે ભારતમાં તેમજ નિકાસ બજારોમાં અંતિમ વપરાશકર્તા ઉદ્યોગોની માંગને પૂરી કરે છે. ૩૦ જૂન, ૨૦૨૫ સુધીમાં, તેના પેરોલ પર ૧૫૪ કર્મચારીઓ હતા.

ઈશ્યુની વિગતો/મૂડીનો ઈતિહાસઃ

કંપની રૂ ૪૭.૯૬ કરોડ એકત્ર કરવા માટે ૩૬,૮૯,૦૦૦ ઇક્વિટી શેરનો તેનો પ્રથમ બુક બિલ્ડિંગ રૂટ આઈપીઓ લાવી રહી છે. કંપનીએ રૂ ૧૦ ના દરેક શેર માટે રૂ ૧૨૩ – રૂ ૧૩૦ ની પ્રાઇસ બેન્ડ જાહેર કરી છે. આઈપીઓ સબ્સ્ક્રિપ્શન માટે ૨૩ ડિસેમ્બર, ૨૦૨૫ ના રોજ ખુલશે અને ૨૬ ડિસેમ્બર, ૨૦૨૫ ના રોજ બંધ થશે. ન્યૂનતમ અરજી ૨,૦૦૦ શેર માટે અને ત્યારબાદ ૧,૦૦૦ શેરના ગુણાંકમાં કરવાની રહેશે. ફાળવણી પછી, શેર બીએસઈ એસએમઈ પર લિસ્ટ થશે. આ ઈશ્યુ કંપનીની પોસ્ટ-આઈપીઓ પેઇડ-અપ ઇક્વિટી મૂડીના ૨૬.૯૫% હિસ્સો ધરાવે છે. ઈશ્યુની ચોખ્ખી આવકમાંથી, કંપની કાર્યકારી મૂડી માટે રૂ ૩૮.૫૦ કરોડ અને બાકીની રકમ સામાન્ય કોર્પોરેટ હેતુ માટે ઉપયોગ કરશે.

આ આઈપીઓનું સંચાલન માત્ર બીલાઇન કેપિટલ એડવાઇઝર્સ પ્રાઇવેટ લિમિટેડ દ્વારા કરવામાં આવે છે, જ્યારે એમયુએફજી ઇનટાઇમ ઇન્ડિયા પ્રાઇવેટ લિમિટેડ આ ઈશ્યુ માટે રજિસ્ટ્રાર છે. બીલાઇન ગ્રુપની સ્પ્રેડ એક્સ સિક્યોરિટીઝ પ્રાઇવેટ લિમિટેડ માર્કેટ મેકર તેમજ સિન્ડિકેટ સભ્ય છે.

કંપનીએ તમામ પ્રારંભિક ઇક્વિટી શેર ફેસ વેલ્યુ પર ઇશ્યુ કર્યા છે, તેણે એપ્રિલ ૨૦૨૪ માં ૧ માટે ૧ અને નવેમ્બર ૨૦૨૪ માં ૧ માટે ૧ ના રેશિયોમાં બોનસ ઇક્વિટી શેર પણ ઇશ્યુ કર્યા છે. પ્રમોટરો દ્વારા શેર હસ્તગત કરવાની સરેરાશ કિંમત શેર દીઠ રૂ ૧.૪૨, રૂ ૨.૬૭, રૂ ૨.૮૯ અને રૂ ૨૭.૫૦ છે.

પોસ્ટ-આઈપીઓ, કંપનીની હાલની રૂ ૧૦.૦૦ કરોડની પેઇડ-અપ ઇક્વિટી મૂડી વધીને રૂ ૧૩.૬૯ કરોડ થશે. આઈપીઓની અપર પ્રાઇસ બેન્ડના આધારે, કંપની રૂ ૧૭૭.૯૬ કરોડના માર્કેટ કેપની અપેક્ષા રાખી રહી છે.

નાણાકીય કામગીરીઃ

નાણાકીય કામગીરીના મોરચે, છેલ્લા ત્રણ નાણાકીય વર્ષોમાં, કંપનીએ રૂ ૭૨.૫૭ કરોડ / રૂ ૦.૯૦ કરોડ (નાણાકીય વર્ષ ૨૦૨૩), રૂ ૬૯.૨૮ કરોડ / રૂ ૩.૨૩ કરોડ (નાણાકીય વર્ષ ૨૦૨૪), રૂ ૯૯.૬૬ કરોડ / રૂ ૧૩.૭૯ કરોડ (નાણાકીય વર્ષ ૨૦૨૫) ની કુલ આવક/ચોખ્ખો નફો નોંધાવ્યો છે. ૩૦ જૂન, ૨૦૨૫ ના રોજ પૂરા થયેલા નાણાકીય વર્ષ ૨૦૨૬ ના પ્રથમ ત્રિમાસિક ગાળા માટે, તેણે રૂ ૨૪.૬૭ કરોડની કુલ આવક પર રૂ ૧.૦૮ કરોડનો ચોખ્ખો નફો મેળવ્યો છે. કંપનીના જણાવ્યા અનુસાર, ઐતિહાસિક રીતે, તેઓ બીજા અર્ધવાર્ષિક ગાળામાં વધુ સારું પ્રદર્શન જુએ છે.

છેલ્લા ત્રણ નાણાકીય વર્ષોમાં, કંપનીએ રૂ ૫.૯૭ ની સરેરાશ ઈપીએસ (સરળ સરેરાશ) અને ૩૮.૩૬% ની સરેરાશ આરઓએનડબલ્યુ નોંધાવી છે. ૩૦ જૂન, ૨૦૨૫ ના રોજ રૂ ૨૬.૩૮ ની એનએવી ના આધારે આ ઈશ્યુની કિંમત ૪.૯૩ ના પી/બીવી પર છે, પરંતુ તેના પોસ્ટ-આઈપીઓ એનએવી ડેટા ઓફર દસ્તાવેજોમાંથી ગાયબ છે.

જો આપણ આઈપીઓ પછીના વિસ્તૃત ઇક્વિટી બેઝ પર તેની નાણાકીય વર્ષ ૨૦ ની વાર્ષિક સુપર કમાણીને આધારે ગણતરી કરીએ, તો માંગવામાં આવેલી કિંમત ૪૧.૧૪ ના પી/ઈ પર આવે છે અને તેની નાણાકીય વર્ષ ૨૦૨૫ ની કમાણીના આધારે પી/ઈ ૧૨.૯૧ પર આવે છે. આમ, આ ઈશ્યુની કિંમત લોભામણી રીતે નક્કી કરવામાં આવી હોય તેવું જણાય છે.

કંપનીએ અનુક્રમે ૧.૨૪% (નાણાકીય વર્ષ ૨૦૨૩), ૪.૬૬% (નાણાકીય વર્ષ ૨૦૨૪), ૧૩.૮૪% (નાણાકીય વર્ષ ૨૦૨૫), ૪.૩૮% (પ્રથમ ત્રિમાસિક-નાણાકીય વર્ષ ૨૦૨૬) નો પીએટી માર્જિન અને ૩.૭૬%, ૧૨.૨૯%, ૩૦.૯૮%, ૩.૩૦% નું આરઓસીઈ માર્જિન નોંધાવ્યો છે.

ડિવિડન્ડ પોલિસીઃ

કંપનીએ ઓફર દસ્તાવેજમાં રિપોર્ટ કરેલા સમયગાળા માટે કોઈ ડિવિડન્ડ ચૂકવ્યું નથી. તે તેની નાણાકીય કામગીરી અને ભાવિ સંભાવનાઓના આધારે સમજદારીપૂર્વક ડિવિડન્ડ પોલિસી અપનાવશે.

લિસ્ટેડ સાથીદારો સાથે સરખામણીઃ

ઓફર દસ્તાવેજ મુજબ, કંપનીએ આઈમકો એલેકોનને તેના લિસ્ટેડ સાથીદાર તરીકે દર્શાવ્યા છે. તે હાલમાં ૨૨.૨ (૧૯ ડિસેમ્બર, ૨૦૨૫ મુજબ) ના પી/ઈ પર ટ્રેડ કરી રહી છે. જો કે, તેઓ ખરેખર સમાન ધોરણે તુલનાત્મક નથી.

મર્ચન્ટ બેન્કરનો ટ્રેક રેકોર્ડઃ

છેલ્લા ચાર નાણાકીય વર્ષમાં બીલાઇન કેપિટલ તરફથી આ ૬૯મો મેન્ડેટ છે. છેલ્લા ૧૪ મેન્ડેટમાંથી, તમામ લિસ્ટિંગની તારીખે ૦.૫૬% થી ૧૪૬.૯૧% સુધીના પ્રીમિયમ સાથે લિસ્ટ થયા હતા.

નિષ્કર્ષ / રોકાણ વ્યૂહરચનાઃ

એટીઆઈએલ બાંધકામ ઉદ્યોગ માટે ટ્રેન્ચલેસ ટેકનોલોજી અને ફાઉન્ડેશન સાધનોમાં વિશેષતા ધરાવતી ઉત્પાદક છે. તેની પાસે અમુક એવા જટિલ ઉત્પાદનો છે જેની માંગ ખૂબ જ વધારે છે. કંપનીએ રિપોર્ટ કરેલા સમયગાળા માટે અનિયમિત નાણાકીય કામગીરી નોંધાવી છે. જોકે તેણે નાણાકીય વર્ષ ૨૦૨૪ માટે કુલ આવકમાં ઘટાડો નોંધાવ્યો હતો, તેમ છતાં તેણે વધુ ચોખ્ખો નફો નોંધાવ્યો છે, જે સૌને આશ્ચર્યચકિત કરે છે. નાણાકીય વર્ષ ૨૦૨૫ (આઈપીઓ પહેલાનું વર્ષ) માટેનું રેકોર્ડ પ્રદર્શન આશ્ચર્ય પેદા કરે છે અને તેની ટકાઉપણું અંગે ચિંતા ઉભી કરે છે. તેના તાજેતરના નાણાકીય ડેટાના આધારે, આ ઈશ્યુની કિંમત સંપૂર્ણ રીતે નક્કી કરવામાં આવી હોય તેવું જણાય છે. જાણકાર અને વધારાની રોકડ ધરાવતા રોકાણકારો લાંબા ગાળા માટે મર્યાદિત ભંડોળ રોકી શકે છે.

Review By Dilip Davda on December 19, 2025

Review Author

DISCLAIMER: No financial information whatsoever published anywhere here should be construed as an offer to buy or sell securities, or as advice to do so in any way whatsoever. All matter published here is purely for educational and information purposes only and under no circumstances should be used for making investment decisions. My reviews do not cover GMP market and operators game plans. Readers must consult a qualified financial advisor before making any actual investment decisions, based the on information published here. With entry barriers, SEBI wants only well-informed investors to participate in such offers. With crazy listings in the recent past, SME IPOs drew the attention of investors across the board and lead to seer madness. However, as SME issues have entry barriers and continued low preference from the broking community, any reader taking decisions based on any information published here does so entirely at their own risk. The above information is based on information available as of date coupled with market perceptions. The Author has no plans to invest in this offer.

About Dilip Davda

Dilip Davda is veteran journalist associated with stock market since 1978. He is contributing to print and electronic media on stock markets/insurance/finance since 1985.

Dilip Davda is a leading reviewer of public issues and NCDs in the primary stock market in India. The knowledge he gained over 3 decades while working in the stock market and a strong relationship with popular lead managers makes his reviews unique. His detailed fundamental and financial analysis of companies coming up with IPOs helps investors in the primary stock market. Dilip Davda has a special interest in analyzing the SME companies and writing reviews about their public issues. His reviews are regularly published online and in news papers.

(Dilip Davda -SEBI registered Research Analyst-Mumbai,

Registration no. INH000003127 (Perpetual)

Email id: dilip_davda@rediffmail.com ).

Courtesy:  https://www.chittorgarh.com/