Courtesy: https://www.chittorgarh.com/
Review By Dilip Davda on July 26, 2025
- કંપની મુંબઈ પ્રદેશના પશ્ચિમી ઉપનગરોમાં અને તેની આસપાસના અતિ-લક્ઝરી/લક્ઝરી રહેણાંક/કોમર્શિયલ કોમ્પ્લેક્સમાં નંબર વન સ્થાન ધરાવે છે.
- કંપનીએ નાણાકીય વર્ષ ૨૦૨૪ થી ભવ્ય પ્રદર્શન કર્યું છે.
- ઘણી બોલીવુડ હસ્તીઓએ એસએલડીઆરએલના પ્રી-આઈપીઓ પ્લેસમેન્ટમાં ભંડોળ રોક્યું છે.
- તાજેતરના નાણાકીય ડેટાના આધારે, ઇશ્યુ સંપૂર્ણ કિંમતે હોય તેવું લાગે છે.
- જાણકાર રોકાણકારો મધ્યમથી લાંબા ગાળા માટે ભંડોળ રોકી શકે છે.
કંપની વિશેઃ
શ્રી લોટસ ડેવલપર્સ એન્ડ રિયલ્ટી લિમિટેડ (એસએલડીઆરએલ) (પહેલાં એકેપી હોલ્ડિંગ્સ લિમિટેડ તરીકે જાણીતી) મુંબઈ, મહારાષ્ટ્રમાં રહેણાંક અને કોમર્શિયલ જગ્યાઓના ડેવલપર છે, જે પશ્ચિમી ઉપનગરોમાં અતિ-લક્ઝરી સેગમેન્ટ અને લક્ઝરી સેગમેન્ટમાં પુનર્વિકાસ પ્રોજેક્ટ્સ પર ધ્યાન કેન્દ્રિત કરે છે. તેની સ્થાપના થઈ ત્યારથી, કંપનીનો ઉદ્દેશ્ય ગ્રાહકોના જીવનધોરણમાં સુધારો કરતા વાતાવરણનું નિર્માણ કરીને, ગ્રાહક સંતોષની આસપાસ કેન્દ્રિત બ્રાન્ડ બનાવવાનો છે. એસએલડીઆરએલની કામગીરી વ્યૂહાત્મક રીતે મુંબઈમાં સ્થિત છે, જે ભારતના સૌથી મોટા રિયલ એસ્ટેટ બજારોમાંનું એક છે. કેલેન્ડર વર્ષ ૨૦૧૯ થી ૨૦૨૩ માટે, ટોચના સાત ભારતીય રહેણાંક રિયલ એસ્ટેટ બજારો (એટલે કે, એમએમઆર (મહારાષ્ટ્ર), પુણે (મહારાષ્ટ્ર), બેંગલુરુ (કર્ણાટક), હૈદરાબાદ (તેલંગાણા), નેશનલ કેપિટલ રિજન, ચેન્નઈ (તમિલનાડુ) અને કોલકાતા (પશ્ચિમ બંગાળ) માં પુરવઠો, શોષણ અને સરેરાશ બેઝ વેચાણ કિંમતની દ્રષ્ટિએ એમએમઆર પ્રથમ ક્રમે હતું. (સ્રોતઃ એનારોક રિપોર્ટ). કંપનીએ ૨૦૧૭ માં મુંબઈના પશ્ચિમી ઉપનગરોમાં કામગીરી માટે જમીન હસ્તગત કરી, જે અતિ-લક્ઝરી અને લક્ઝરી રહેણાંક સંપત્તિ બજાર પર ધ્યાન કેન્દ્રિત કરે છે. તેની વૃદ્ધિ રિયલ એસ્ટેટ બજારની સમજ, ડિઝાઇન અને અમલીકરણ ક્ષમતાઓ, વેચાણ ક્ષમતા અને “લોટસ ડેવલપર્સ” બ્રાન્ડને આભારી હોઈ શકે છે.
તેના પ્રોજેક્ટ્સને ત્રણ (૩) શ્રેણીઓમાં વિભાજિત કરી શકાય છે, એટલે કે
૧.ગ્રીનફિલ્ડ પ્રોજેક્ટ્સઃ એવા પ્રોજેક્ટ્સ કે જે પહેલાં કોઈ પણ નિર્માણ કરેલા માળખા વગરના અવિકસિત જમીનના ટુકડાઓ પર બાંધવામાં આવ્યા છે. તે તેની દ્વારા હસ્તગત કરેલી જમીન પર આ પ્રોજેક્ટ્સ હાથ ધરે છે.
૨. પુનર્વિકાસ પ્રોજેક્ટ્સઃ એવા પ્રોજેક્ટ્સ કે જે હાઉસિંગ સોસાયટીઓ, કોમર્શિયલ યુનિટ ધારકો અથવા અન્ય લોકો સાથેના વિકાસ કરારોના આધારે ફરીથી બાંધવામાં આવે છે.
૩. સંયુક્ત વિકાસ પ્રોજેક્ટ્સઃ એવા પ્રોજેક્ટ્સ જ્યાં તે જમીનના ટુકડા (માલિક સોસાયટી પાસેથી જમીનમાં લાંબા ગાળાના લીઝહોલ્ડ અધિકારો સહિત) ના ધારક(ઓ) સાથે વિકાસ કરાર કરે છે અને આવા જમીન ધારક સાથે સંયુક્ત રીતે પ્રોજેક્ટ વિકસાવે છે.
કંપની, સામાન્ય રીતે, વિકસિત સંપત્તિમાં હિસ્સો મેળવવા માટે, અથવા વિકસિત સંપત્તિના વેચાણમાંથી ઉત્પન્ન થતી આવક અથવા નફાનો હિસ્સો, અથવા બંને હક્કોના સંયોજન માટે હકદાર છે. ૩૦ જૂન, ૨૦૨૫ સુધીમાં, તેણે ૦.૯૩ મિલિયન ચોરસ ફૂટનો વિકસિત વિસ્તાર પૂર્ણ કર્યો છે જેમાં રહેણાંક અને કોમર્શિયલ બંને સંપત્તિઓ શામેલ છે. તે વ્યૂહાત્મક સંશોધનના આધારે ઉચ્ચ આવક ધરાવતા હાઉસિંગ બજાર સેગમેન્ટ માટે કિંમત શ્રેણીઓને માળખાકીય રીતે વ્યાખ્યાયિત કરે છે. કંપની ડિઝાઇન અને સુવિધાઓ સાથે “અતિ-લક્ઝરી અને લક્ઝરી ઘરો” પ્રદાન કરે છે. લક્ઝરી હાઉસિંગની માંગ, ખાસ કરીને રૂ ૨.૫ કરોડ સેગમેન્ટમાં, નોંધપાત્ર વૃદ્ધિ જોવા મળી છે, જે ૨૦૨૧ માં ૩% થી ૨૦૨૫ ના પ્રથમ ક્વાર્ટરમાં ૨૨% સુધી ચાર ગણી વધી છે. (સ્રોતઃ એનારોક રિપોર્ટ).
એનારોક રિપોર્ટ અનુસાર, લોટસ ડેવલપર્સ જુહુ બજારમાં સરેરાશ ટાંકવામાં આવેલી કિંમતોની તુલનામાં તેની ટાંકવામાં આવેલી કિંમતો પર આશરે ૨૨% પ્રીમિયમ ધરાવે છે. આ પ્રીમિયમના સંભવિત પરિબળોમાં સારી બ્રાન્ડ રિકોલ, બાંધકામ ગુણવત્તા, સમયસર અમલ અને ગ્રાહક સંતોષ શામેલ છે. વધુમાં, જુહુમાં વર્તમાન બજારની સ્થિતિ મર્યાદિત નવી પુરવઠા સાથે સતત મજબૂત માંગને પ્રતિબિંબિત કરે છે, જેના કારણે તાજેતરમાં ભાવમાં વૃદ્ધિ અને પ્રીમિયમમાં વધારો થયો છે. આ ઉપરાંત, જ્યારે જુહુ બજારની સરેરાશ ટાંકવામાં આવેલી કિંમતની તુલના લોટસ ડેવલપર્સની તાજેતરની સરેરાશ રૂ. ૬૧,૩૦૪ પ્રતિ ચોરસ ફૂટ (કાર્પેટ વિસ્તાર પર) ના વ્યવહાર મૂલ્ય સાથે કરવામાં આવે છે, ત્યારે તે જુહુમાં સરેરાશ ટાંકવામાં આવેલી બજાર કિંમત પર આશરે ૧૦% પ્રીમિયમ દર્શાવે છે.
તે વ્યાપક સમુદાય સુવિધાઓ પ્રદાન કરીને અને વિવિધ વિશિષ્ટ ક્ષેત્રોના નિષ્ણાતોને સામેલ કરીને વધુ સારા જીવન વાતાવરણનું નિર્માણ કરીને પ્રોજેક્ટ્સનું મૂલ્ય વધારવા માંગે છે. ૩૦ જૂન, ૨૦૨૫ સુધીમાં, તેણે ૪ પૂર્ણ થયેલા પ્રોજેક્ટ્સ, ૫ ચાલુ પ્રોજેક્ટ્સ અને ૧૧ આગામી પ્રોજેક્ટ્સ છે. ઉક્ત તારીખ સુધીમાં, તેના પગારપત્રક પર ૧૪૬ કર્મચારીઓ હતા.
ઇશ્યુ વિગતો/મૂડી ઇતિહાસઃ
કંપની રૂ. ૭૯૨.૦૦ કરોડ (ઉપલી મર્યાદાએ આશરે ૫૨૮૦૦૦૦૦ ઇક્વિટી શેર) ના તેના પ્રથમ બુક બિલ્ડિંગ રૂટ આઈપીઓ સાથે આવી રહી છે. કંપનીએ રૂ. ૧ ના દરેક ઇક્વિટી શેર દીઠ રૂ. ૧૪૦ – રૂ. ૧૫૦ ની કિંમતનો બેન્ડ જાહેર કર્યો છે. ઇશ્યુ ૩૦ જુલાઈ, ૨૦૨૫ ના રોજ સબ્સ્ક્રિપ્શન માટે ખુલે છે અને ૦૧ ઓગસ્ટ, ૨૦૨૫ ના રોજ બંધ થશે. ઓછામાં ઓછી ૧૦૦ શેર માટે અરજી કરવાની રહેશે અને ત્યારબાદ તેના ગુણાંકમાં કરવાની રહેશે. ફાળવણી પછી, શેર બીએસઈ અને એનએસઈ પર લિસ્ટેડ થશે. ઇશ્યુ આઈપીઓ પછીની ચૂકવેલ ઇક્વિટી મૂડીના ૧૦.૮૦% છે. તાજા ઇક્વિટી ઇશ્યુના ચોખ્ખા ભંડોળમાંથી, કંપની રૂ. ૫૫૦.૦૦ કરોડ પેટાકંપનીઓમાં રોકાણ માટે અને બાકીના સામાન્ય કોર્પોરેટ હેતુઓ માટે ઉપયોગ કરશે.
કંપનીએ તેના પાત્ર કર્મચારીઓ માટે રૂ. ૨.૦૦ કરોડ (ઉપલી મર્યાદાએ આશરે ૧૩૩૩૩૩ ઇક્વિટી શેર) ના ઇક્વિટી શેર આરક્ષિત કર્યા છે અને તેમને શેર દીઠ રૂ. ૧૪ નું ડિસ્કાઉન્ટ ઓફર કરે છે, બાકીનામાંથી, તેણે ક્યુઆઈબી માટે ૫૦% થી વધુ નહીં, એચએનઆઈ માટે ૧૫% થી ઓછું નહીં, અને રિટેલ રોકાણકારો માટે ૩૫% થી ઓછા નહીં તેટલા શેર ફાળવ્યા છે.
આ ઇશ્યુના સંયુક્ત બુક રનિંગ લીડ મેનેજર્સ (બીઆરએલએમ) મોનાર્ક નેટવર્થ કેપિટલ લિમિટેડ, અને મોતીલાલ ઓસ્વાલ ઇન્વેસ્ટમેન્ટ એડવાઇઝર્સ લિમિટેડ છે, જ્યારે કેફિન ટેકનોલોજીસ લિમિટેડ ઇશ્યુના રજિસ્ટ્રાર છે. મોનાર્ક નેટવર્થ કેપિટલ લિમિટેડ, અને મોતીલાલ ઓસ્વાલ ફાઇનાન્સિયલ સર્વિસિસ લિમિટેડ સિન્ડિકેટ સભ્યો છે.
પ્રારંભિક ઇક્વિટી શેર ભાવોભાવ ઇશ્યુ કર્યા પછી, કંપનીએ સપ્ટેમ્બર ૨૦૨૪ અને ડિસેમ્બર ૨૦૨૪ ની વચ્ચે શેર દીઠ રૂ. ૧૫૦ – રૂ. ૩૦૦ (રૂ. ૧ ફેસ વેલ્યુ ના આધારે) ની કિંમત શ્રેણીમાં વધુ ઇક્વિટી શેર ઇશ્યુ કર્યા. તેણે નવેમ્બર ૨૦૨૪ માં ૧ ના બદલામાં ૧ ના ગુણોત્તરમાં બોનસ શેર પણ ઇશ્યુ કર્યા છે. પ્રમોટરો/વેચાણ કરનારા હિસ્સેદારો દ્વારા શેરની સરેરાશ ખરીદ કિંમત શેર દીઠ રૂ. ૦.૫૭, રૂ. ૧૪૯.૭૦ અને રૂ. ૧૫૦.૦૦ છે.
આઈપીઓ પછી, તેની વર્તમાન ચૂકવેલ ઇક્વિટી મૂડી રૂ. ૪૩.૫૯ કરોડ વધીને રૂ. ૪૮.૮૭ કરોડ થશે. આઈપીઓ પ્રાઇસ બેન્ડની ઉપલી મર્યાદાના આધારે, કંપની રૂ. ૭૩૩૦.૬૫ કરોડના માર્કેટ કેપ નિહાળી રહેલ છે.
નાણાકીય પ્રદર્શનઃ
નાણાકીય પ્રદર્શનના મોરચે, છેલ્લા ત્રણ નાણાકીય વર્ષો માટે, કંપનીએ (એકીકૃત ધોરણે) કુલ આવક/ચોખ્ખો નફો, રૂ. ૧૬૯.૯૫ કરોડ / રૂ. ૧૬.૮૦ કરોડ (નાણાકીય વર્ષ ૨૦૨૩), રૂ. ૪૬૬.૧૯ કરોડ / રૂ. ૧૧૯.૧૪ કરોડ (નાણાકીય વર્ષ ૨૦૨૪), રૂ. ૫૬૯.૨૮ કરોડ / રૂ. ૨૨૭.૮૯ કરોડ (નાણાકીય વર્ષ ૨૦૨૫) નોંધાવેલ છે. તેની દેવા મુક્ત સ્થિતિ અને એસેટ લાઇટ મોડેલ પશ્ચિમી ઉપનગરોમાં હાઇ-ફાઇ સોસાયટીઓના પુનર્વિકાસ માટે અતિ-લક્ઝરી નિર્માણમાંથી તેની કામગીરીમાં ઉચ્ચ માર્જિન લાવ્યા છે.
છેલ્લા ત્રણ નાણાકીય વર્ષો માટે, કંપનીએ સરેરાશ ઇપીએસ રૂ. ૩.૮૩ અને સરેરાશ આરઓએનડબલ્યુ ૪૧.૪૯% નોંધાવેલ છે. ઇશ્યુ તેની ૩૧ માર્ચ, ૨૦૨૫ સુધીની રૂ. ૨૧.૩૯ ની એનએવીના આધારે ૭.૦૧ ના પી/બીવી પર અને તેના આઈપીઓ પછીના રૂ. ૧૯.૦૮ પ્રતિ શેર (ઉપલી મર્યાદાએ) ની એનએવીના આધારે ૭.૮૬ ના પી/બીવી પર કિંમત થયેલ છે.
જો આપણે નાણાકીય વર્ષ ૨૦૨૫ ની વાર્ષિક કમાણીને તેની આઈપીઓ પછીની સંપૂર્ણ ડાઇલ્યુટેડ ચૂકવેલ ઇક્વિટી મૂડીને આધારે ગણતરી કરીએ, તો માંગવામાં આવેલી કિંમત ૩૨.૧૯ ના પી/ઈ પર આવે છે. નાણાકીય વર્ષ ૨૦૨૪ ની કમાણીના આધારે, પી/ઈ ૬૧.૪૮ પર છે. આમ, ઇશ્યુની આક્રમક રીતે કિંમત રાખેલ છે તેમ લાગે છે.
કંપનીએ ઉલ્લેખિત સમયગાળા માટે અનુક્રમે ૯.૭૬ % (નાણાકીય વર્ષ ૨૦૨૩), ૨૫.૯૬% (નાણાકીય વર્ષ ૨૦૨૪), ૪૧.૪૬% (નાણાકીય વર્ષ ૨૦૨૫) ના પીએટી માર્જિન, ૫.૨૯%, ૨૬.૨૮%, ૨૭.૨૨% ના આરઓસીઇ માર્જિન નોંધાવેલ છે.
ડિવિડન્ડ નીતિઃ
કંપનીએ ઓફર દસ્તાવેજના અહેવાલિત સમયગાળા માટે કોઈ ડિવિડન્ડ જાહેર કર્યું નથી. તેણે તેની નાણાકીય કામગીરી અને ભાવિ સંભાવનાઓના આધારે ડિસેમ્બર ૨૦૨૪ માં ડિવિડન્ડ નીતિ અપનાવી છે.
લિસ્ટેડ પીઅર્સ સાથે સરખામણીઃ
ઓફર દસ્તાવેજ અનુસાર, કંપનીએ અર્કાડે ડેવલપર્સ, કીસ્ટોન રિયલ્ટર્સ, સુરજ એસ્ટેટ, સનટેક રિયલ્ટી, મહિન્દ્રા લાઇફસ્પેસીસ અને હબટાઉન, ને તેના લિસ્ટેડ પીઅર્સ તરીકે દર્શાવ્યા છે. તેઓ ૨૩.૬, ૪૫.૮, ૧૬.૬, ૩૮.૨, ૭૯.૦, અને ૯૩.૩ (૨૫ જુલાઈ, ૨૦૨૫ મુજબ) ના પી/ઈ પર ટ્રેડ કરી રહ્યા છે. જોકે, તેઓ ખરેખર સમાન ધોરણે તુલનાત્મક નથી.
મર્ચન્ટ બેંકરનો ટ્રેક રેકોર્ડઃ
ઓફર સાથે સંકળાયેલા બે બીઆરએલએમએ છેલ્લા ત્રણ નાણાકીય વર્ષોમાં ૨૦ જાહેર ઇશ્યુ સંભાળ્યા છે, જેમાંથી ૦૪ ઇશ્યુ લિસ્ટિંગ તારીખે ઓફર પ્રાઇસથી નીચે બંધ થયા છે.
નિષ્કર્ષ / રોકાણ વ્યૂહરચનાઃ
એસએલડીઆરએલ મુંબઈ પ્રદેશના પશ્ચિમી ઉપનગરોમાં અને તેની આસપાસના અતિ-લક્ઝરી/લક્ઝરી રહેણાંક/કોમર્શિયલ કોમ્પ્લેક્સમાં નંબર વન સ્થાન ધરાવે છે. કંપનીએ નાણાકીય વર્ષ ૨૦૨૪ થી ભવ્ય પ્રદર્શન કર્યું છે. ઘણી બોલીવુડ હસ્તીઓએ એસએલડીઆરએલના પ્રી-આઈપીઓ પ્લેસમેન્ટમાં ભંડોળ રોક્યું છે. કંપની અત્યંત સ્પર્ધાત્મક અને વિભાજિત સેગમેન્ટમાં કાર્યરત છે. તાજેતરના નાણાકીય ડેટાના આધારે, ઇશ્યુ સંપૂર્ણ કિંમતે હોય તેવું લાગે છે. જાણકાર રોકાણકારો મધ્યમથી લાંબા ગાળા માટે ભંડોળ રોકી શકે છે.
Review By Dilip Davda on July 26, 2025
Review Author
DISCLAIMER: No financial information whatsoever published anywhere here should be construed as an offer to buy or sell securities, or as advice to do so in any way whatsoever. All matter published here is purely for educational and information purposes only and under no circumstances should be used for making investment decisions. My reviews do not cover GMP market and operators game plans. Readers must consult a qualified financial advisor before making any actual investment decisions, based the on information published here. With entry barriers, SEBI wants only well-informed investors to participate in such offers. With crazy listings in the recent past, SME IPOs drew the attention of investors across the board and lead to seer madness. However, as SME issues have entry barriers and continued low preference from the broking community, any reader taking decisions based on any information published here does so entirely at their own risk. The above information is based on information available as of date coupled with market perceptions. The Author has no plans to invest in this offer.
About Dilip Davda
Dilip Davda is veteran journalist associated with stock market since 1978. He is contributing to print and electronic media on stock markets/insurance/finance since 1985.
Dilip Davda is a leading reviewer of public issues and NCDs in the primary stock market in India. The knowledge he gained over 3 decades while working in the stock market and a strong relationship with popular lead managers makes his reviews unique. His detailed fundamental and financial analysis of companies coming up with IPOs helps investors in the primary stock market. Dilip Davda has a special interest in analyzing the SME companies and writing reviews about their public issues. His reviews are regularly published online and in news papers.
(Dilip Davda -SEBI registered Research Analyst-Mumbai,
Registration no. INH000003127 (Perpetual)
Email id: dilip_davda@rediffmail.com ).
Courtesy: https://www.chittorgarh.com/
