કાર્ગોટ્રાન્સ મેરીટાઈમ બી એસ ઈ એસ એમ ઈ આઈપીઓ સમીક્ષા (અરજી કરો)

•    સી એમ એલએ દરિયાઈ નૂર ફોરવર્ડિંગ સહિત આંતરરાષ્ટ્રીય લોજિસ્ટિક્સ સોલ્યુશન પ્રદાતા છે.
•    તેણે છેલ્લા ત્રણ નાણાકીય વર્ષમાં પ્રભાવશાળી નાણાકીય પ્રદર્શન દર્શાવેલ છે.
•  આઈ પી ઓ માટે વધુ ખર્ચ અને આઈ પી ઓ પછી નાનો ઇક્વિટી બેઝ ચિંતા પેદા કરે છે.
•    ના. વ.૨૨ની કમાણીના આધારે, ઇશ્યૂની કિંમત વ્યાજબી છે.
•    રોકાણકારો મધ્યમથી લાંબા ગાળાના પરિપ્રેક્ષ્ય સાથે રોકાણ પર વિચાર કરી શકે છે.

કંપની વિશેઃ
કાર્ગોટ્રાન્સ મેરીટાઇમ લિમિટેડ (સી એમ એલ) એ દરિયાઈ માલવાહક ફોરવર્ડિંગ (એફ સી એલ અને એલ સી એલ), પરિવહન, કસ્ટમ્સ ક્લિયરન્સ, વેરહાઉસિંગ અને ગ્રાહકોને અન્ય મૂલ્યવર્ધિત સેવાઓ સહિત દરિયાઈ લોજિસ્ટિક્સ સેવાઓ પ્રદાન કરવાના મુખ્ય વ્યવસાય સાથે આંતરરાષ્ટ્રીય લોજિસ્ટિક્સ સોલ્યુશન્સ પ્રદાતા છે. તેણે ૨૦૧૨ માં નૂર ફોરવર્ડિંગનો વ્યવસાય શરૂ કર્યો હતો અને ત્યારથી, તેની હાજરીમાં સતત વધારો કર્યો છે, સેવાઓનો વ્યાપ વધાર્યો છે અને તેની ક્ષમતાઓ અને કુશળતામાં વધારો કર્યો છે.
ઑક્ટોબર ૨૦૧૯માં, કંપનીએ કસ્ટમ હાઉસ એજન્ટ સર્વિસ અને કોસ્ટલ ટ્રાન્સપોર્ટેશનના સેગમેન્ટમાં પ્રવેશવા માટે (એટલે કે ભારતમાં સમુદ્ર મારફતે માલ) કાર્ગોટ્રાન્સ મેરીટાઇમ એજન્સીઝ પ્રાઈવેટ લિમિટેડ (“સી એમ એ પી એલ”) અને કાર્ગોટ્રાન્સ મેરીટાઇમ ફોરવર્ડિંગ પ્રાઈવેટ લિમિટેડ (“સી એમ એફ પી એલ”)માં ૧૦૦% હિસ્સો હસ્તગત કર્યો હતો. તેની પાસે મલ્ટી-મોડલ ટ્રાન્સપોર્ટ ઓપરેટરનું લાઇસન્સ છે, જે તેને પરિવહનના બહુવિધ મોડ્‌સને આવરી લેતા એક જ વાટાઘાટ કરી શકાય તેવા મલ્ટિમોડલ ટ્રાન્સપોર્ટ દસ્તાવેજ જારી કરવા અને આ ક્ષેત્રમાં સ્વતંત્ર ખેલાડી તરીકે સ્થાન આપવા માટે સક્ષમ બનાવે છે આમ તેના રેવન્યુ મોડલને મજબૂત બનાવે છે.
સીએમએલ સીએમએપીએલ દ્વારા કસ્ટમ્સ ક્લિયરન્સ જેવી નિયમનકારી અનુપાલન સેવાઓ સંબંધિત કાર્ય પણ હાથ ધરે છે, જે માન્ય કસ્ટમ હાઉસ એજન્ટનું લાઇસન્સ ધરાવે છે. પ્રોસ્પેક્ટસની તારીખ મુજબ, કંપની ગુજરાતમાં ૪ બંદરો એટલે કે મુન્દ્રા, હજીરા, કંડલા અને પીપાવાવ પર કાર્ય કરે છે. હાલમાં, સી એમ એલ, કન્ટેનર ખસેડવા માટે માલિકીના ૯ કોમર્શિયલ ટ્રેલર્સનો કાફલો ચલાવે છે, અને આ સિવાય તે ગ્રાહકોની શિપિંગ માંગને પહોંચી વળવા તૃતીય-પક્ષ ટ્રાન્સપોર્ટ ઓપરેટરોને પણ હાયર કરે છે. તેના ગ્રાહકો ફૂડ પ્રોસેસિંગ, એગ્રો-આધારિત, કોમોડિટીઝ, પ્લાસ્ટિક, મિનરલ્સ, સિરામિક્સ, ટ્રેડિંગ, પેકેજિંગ, ટેક્સટાઇલ વગેરે સહિત વિવિધ ક્ષેત્રોમાં કાર્ય કરે છે. ૩૧ ઓગસ્ટ, ૨૦૨૨ સુધીમાં, આ કંપની પાસે ૭૦ થી વધુ કર્મચારીઓની સંખ્યા હતી.

ઈશ્યૂની વિગત અને મૂડીનો ઈતિહાસ
કાર્યકારી મૂડી માટે (રૂ.૩.૫૦ કરોડ) અને સામાન્ય કોર્પોરેટ હેતુ માટે (રૂ.૦.૬૬ કરોડ),ની તેની જરૂરિયાતને ભાગરૂપે નાણાં પૂરાં પાડવા માટે આ કંપની તેના રૂ. ૧૦ની મૂળ કિંમત ધરાવતા ૧૦૮૦૦૦૦ ઈકવીટી શેર મેઈડન આઈ પી ઓ દ્વારા રૂ. ૪૫.૦૦ પ્રતિશેરની કિંમતે ઓફર કરીને રૂ.૪.૮૬ કરોડ એકત્રિત કરવા મૂડી બજારમાં આવેલ છે. જાહેર ભરણા માટે આ ઈશ્યૂ તા.૨૭ સપ્ટેમ્બર ર૦રર ના રોજ ખુલશે અને તા.૨૯ સપ્ટેમ્બર ર૦રર ના રોજ બંધ થશે. ઓછામાં ઓછી અરજી ૩૦૦૦ શેર માટે અને તે પછી તેના ગુણાંકમાં કરી શકાશે. ફાળવણી પછી, શેર બી એસ ઈ એસ એમ ઈ પર સૂચિબદ્ધ થશે. આ ઈશ્યૂ કંપનીની ઇશ્યૂ પછીની ભરપાઈ થયેલ મૂડીના ૨૬.૪૭ % હિસ્સો ધરાવશે.આ કંપની આ આઈ પી ઓ પ્રક્રિયા માટે રૂ. ૦.૭૦ કરોડ ખર્ચ કરે છે જે સૂચવે છે કે આ આઈ પી ઓ સંપૂર્ણ પણે માળખાગત પ્રકૃતિનો છે.
આ ઈસ્યુ માત્ર હેમ સિક્યોરિટીઝ લિમિટેડ દ્વારા સંચાલિત છે.અને બિગશેર સર્વિસીસ પ્રાઈવેટ લિમિટેડ ઇશ્યૂના રજિસ્ટ્રાર છે. હેમ સિક્યોરિટીઝ લિ. કંપની માટે બજાર નિર્માતા પણ છે.
સમાન ધોરણે પ્રારંભિક ઇક્વિટી શેર જારી કર્યા પછી, કંપનીએ માર્ચ ૨૦૧૮ માં શેર દીઠ રૂ૧૮ના નિશ્ચિત ભાવે વધુ ઇક્વિટી શેર જારી કર્યા. તેણે જાન્યુઆરી ૨૦૧૮ માં ૧ માટે ૩૯ અને સપ્ટેમ્બર ૨૦૨૨ માં ૧ માટે ૪ ના ગુણોત્તરમાં બોનસ શેર પણ જારી કર્યા છે. પ્રમોટરો દ્વારા શેરના સંપાદનની સરેરાશ કિંમત રૂ. ૦.૦૫ અને રૂ. ૪.૦૦ પ્રતિ શેર.
ઇશ્યૂ પછી, આ કંપનીની વર્તમાન પેઇડ-અપ ઇક્વિટી મૂડી રૂ.૩.૦૦ કરોડ છે જે વધીને રૂ.૪.૦૮ કરોડ થશે.આઈ પી ઓ ની કિંમતના આધારે, આ કંપની ૧૮.૩૬ કરોડનું માર્કેટ કેપ નિહાળી રહી છે.

આર્થિક દેખાવ
આર્થિક દેખાવને મોરચે, છેલ્લા ત્રણ નાણાકીય વર્ષમાં , આ કંપનીએ (કોન્સોલીડેશન ધોરણે ) ટર્નઓવર / ચોખ્ખો નફો રૂ. ૨૦.૫૮ કરોડ / રૂ. ૦.૨૮ કરોડ (ના. વ.૨૦), રૂ. ૪૯.૪૧ કરોડ / રૂ. ૧.૧૫ કરોડ (ના. વ.૨૧), અને રૂ. ૮૯.૬૦ કરોડ / રૂ. ૨.૩૬ કરોડ (ના. વ.૨૨). નોંધાવેલ છે.આમ તેણે તેની ઉપર અને નીચેની લાઇનમાં વૃદ્ધિ દર્શાવી છે.
છેલ્લા ત્રણ નાણાકીય વર્ષમાં આ કંપનીએ સરેરાશ શેર દીઠ આવક રૂ.૫.૩૭ અને સરેરાશ આર ઓ એન ડબલ્યુ ૩૭.૬૮ ટકા દર્શાવેલ છે.તા. ૩૧ માર્ચ, ર૦રરના એન એ વી રૂ.૧૭.૭૪ મુજબ આ ઈસ્યુનો ભાવ ૨.૫૪ ના પી/બીવીથી આવે છે,તેમ જ આઈ પી ઓ પછીની એન એ વી રૂ.૨૪.૯૬ ના આધારે તેની કિંમત ૧.૮૦ ના પી/બીવી થી આવે છે.(ઉપરની ભાવ સપાટીના આધારે.)
જો આપણે ના. વ. ૨૨ ની એકત્રિત કમાણીને આઈ પી ઓ પછીની સંપૂર્ણ પાતળી ઇક્વિટી મૂડી પર ગણીએ, તો માગવામાં આવેલ કિંમત ૭.૭૭ ના પી/ઈ પર આવે છે.
સમાન કંપનીઓ સાથે સરખામણી
ઑફર દસ્તાવેજો મુજબ, આ કંપનીએ એક્યુરેસી શિપિંગ, ટાઇગર લોગી., ઓલકાર્ગો અને ટોટલ ટ્રાન્સપોર્ટને તેમના લિસ્ટેડ પીઅર તરીકે દર્શાવ્યા છે. તેઓ હાલમાં ૨૪.૪૬, ૭.૨૮, ૫૭.૮૮ અને ૨૦.૪૫ (૨૩ સપ્ટેમ્બર, ૨૦૨૨ના રોજ)ના પી/ઈ પર વેપાર કરી રહ્યા છે. જો કે, તેઓે ખરેખર ચૂસ્તરીતે તુલનાત્મક નથી.

ડિવિડન્ડ પોલિસીઃ
કંપનીએ ઓફર ડોક્યુમેન્ટના રિપોર્ટ કરેલા સમયગાળા માટે કોઈ ડિવિડન્ડની જાહેરાત/ચુકવણી કરી નથી. તે લિસ્ટિંગ પછી તેની નાણાકીય કામગીરી અને ભાવિ સંભાવનાઓના આધારે સમજદાર ડિવિડન્ડ નીતિ અપનાવશે.

મર્ચંટ બેંકરનો દેખાવ
છેલ્લા ત્રણ નાણાકીય વર્ષમાં (ચાલુ એક સહિત) હેમ સિક્યોરિટીઝ તરફથી આ ૧૨મો આદેશ છે. છેલ્લી ૧૦ લિસ્ટિંગમાંથી, લિસ્ટિંગના દિવસે ૧ ડિસ્કાઉન્ટ પર અને બાકીની ૧.૪૭% થી ૧૦૪.૮૭% સુધીના પ્રીમિયમ સાથે ખુલેલ હતા.

નિષ્કર્ષ / રોકાણ વ્યૂહરચના
આ કંપની અત્યંત સ્પર્ધાત્મક સેગમેન્ટમાં કાર્યરત છે પરંતુ તેણે એક વિશિષ્ટ સ્થાન બનાવ્યું છે. તેણે તમામ અવરોધો છતાં તેની ટોચ અને નીચેની લાઇનમાં વૃદ્ધિ નોંધાવી છે. ના. વ. ૨૨ ની કમાણીના આધારે, ઇશ્યૂ વ્યાજબી કિંમતનો લાગે છે. આઇપીઓ પછીનો એક નાનો ઇક્વિટી બેઝ મેઈનબોર્ડ પર સ્થળાંતર માટે લાંબા સમય સુધીનો સગર્ભાવસ્થા સૂચવે છે અને આઇપીઓ માટે વધુ ખર્ચ ચિંતા પેદા કરે છે. રોકાણકારો મધ્યમથી લાંબા ગાળાના પરિપ્રેક્ષ્ય સાથે રોકાણ પર વિચાર કરી શકે છે.

Review Author