આર આર કબેલ આઈપીઓ સમીક્ષા (અરજી કરો)

આર આર કબેલ આઈપીઓ સમીક્ષા (અરજી કરો)

• આરકેએલ અગ્રણી ભારતીય કન્ઝ્યુમર ઈલેક્ટ્રીકલ્સ માલ ઉત્પાદકોમાંની એક છે.
• તએફએમઈજી સેગમેન્ટમાંથી ૯૭% આવક મેળવે છે.
• જ્યારે તેણે તેની ટોચની લાઇનમાં વૃદ્ધિ નોંધાવી, તેણે ના. વ. ૨૩ માટે માર્જિન પર દબાણ દર્શાવ્યું.
• ના. વ.૨૪ની વાર્ષિક કમાણીના આધારે, ઇશ્યૂ સંપૂર્ણ કિંમતનો દેખાય છે.
• રોકાણકારો આ લાંબી રેસના ઘોડામાં મધ્યમથી લાંબા ગાળાના વળતર માટે રોકાણ કરી શકે છે.

કંપની વિશેઃ

આરઆર કબેલ લી. (આરકેએલ) એ ભારતીય ગ્રાહક વિદ્યુત ઉદ્યોગની અગ્રણી કંપનીઓમાંની એક છે (જેમાં વાયર અને કેબલ્સ અને ફાસ્ટ-મૂવિંગ ઇલેક્ટ્રિકલ ગુડ્‌સ (“એફએમઈજી”)નો સમાવેશ થાય છે,) જેનો ભારતમાં ૨૦ વર્ષથી વધુનો કાર્યકાલનો ઇતિહાસ છે. ભારતીય ગ્રાહક વિદ્યુત ઉદ્યોગનો અંદાજ નાણાકીય વર્ષ ૨૦૨૩ માં રૂ.૧,૮૧૧.૫૦ બિલિયન અને નાણાકીય વર્ષ ૨૦૨૭ સુધી ૧૦% ના ચક્રવૃદ્ધિ વાર્ષિક વૃદ્ધિ દર (“સીએજીઆર”) થી વૃદ્ધિ પામવાની અપેક્ષા છે અને આશરે રૂ. ૨,૬૬૫.૦૦ અબજના બજાર મૂલ્ય સુધી પહોંચશે. (સ્ત્રોતઃ ટેકનોપાક રિપોર્ટ)
આરકેએલ ભારતીય ગ્રાહક વિદ્યુત ઉદ્યોગમાં નીચેની બાબતોને લીધે અગ્રણી કંપનીઓમાંની એક છેઃ
• તે ભારતમાં સાથીદાર કંપનીઓમાં સૌથી ઝડપથી વિકસતી ગ્રાહક વિદ્યુત કંપની છે, જેણે નાણાકીય ૨૦૨૧ અને નાણાકીય ૨૦૨૩ વચ્ચે ૪૩.૪% ની સીએજીઆરથી વૃદ્ધિ કરી હતી.
• તે ભારતમાં વાયર અને કેબલ્સ માર્કેટમાં પાંચમા નંબરની સૌથી મોટી ખેલાડી છે, જે ૩૧ માર્ચ, ૨૦૨૩ સુધીમાં મૂલ્ય દ્વારા અંદાજે ૫% બજાર હિસ્સાનું પ્રતિનિધિત્વ કરે છે;
• તે ભારતમાં બ્રાન્ડેડ વાયર અને કેબલ્સ માર્કેટમાં પાંચમા નંબરની સૌથી મોટી ખેલાડી છે, જે માર્ચ ૩૧, ૨૦૧૫ના મૂલ્ય દ્વારા અંદાજે ૫% બજાર હિસ્સાની તુલનામાં, ૩૧ માર્ચ, ૨૦૨૩ સુધીમાં મૂલ્ય દ્વારા આશરે ૭% બજાર હિસ્સાનું પ્રતિનિધિત્વ કરે છે;
•આરકેએલએ ૩૧ માર્ચ, ૨૦૨૩ સુધીમાં મ્૨ઝ્ર સેલ્સ ચેનલમાંથી આશરે ૭૪% આવક સાથે વાયર અને કેબલ્સમાં બિઝનેસ-ટુ-કન્ઝ્યુમર (“બીરસી”) વેચાણ ચેનલમાંથી સૌથી વધુ આવકનું યોગદાન આપ્યું હતું;
• કેલેન્ડર વર્ષ ૨૦૨૨માં, કંપની ભારતમાંથી વાયર અને કેબલના અગ્રણી નિકાસકારોમાંની એક હતી, મૂલ્યની દ્રષ્ટિએ, ભારતમાંથી નિકાસ બજારના આશરે ૯% બજાર હિસ્સાનું પ્રતિનિધિત્વ કરતી હતી;
• તે ૩૧ માર્ચ, ૨૦૨૩ સુધીમાં સમગ્ર ભારતમાં ૨૭૧,૨૬૪ ઇલેક્ટ્રિશિયનને આવરી લેતાં ઇલેક્ટ્રિશિયનનું સૌથી મોટું નેટવર્ક ધરાવે છે;
•નાણાકીય ૨૦૨૩ માં,ઈએમઈજી સેગમેન્ટમાંથી તેનું આવકનું યોગદાન આશરે ૧૧% છે, જે સાથીદારોમાં સૌથી વધુ છે. આ ૩૦ જૂન, ૨૦૨૩ ના રોજ પૂરા થયેલા ત્રણ મહિનામાં પણ સાથીદારોમાં ૧૧% પર સૌથી વધુ રહ્યું છે.
• કંપની ૩૧ માર્ચ, ૨૦૨૩ સુધીમાં ગ્રાહક વિદ્યુત ઉદ્યોગમાં વ્યાપક રિટેલ ફૂટપ્રિન્ટને સેવા આપતી સૌથી વધુ સંખ્યામાં વિતરકોમાંની એક છે અને નાણાકીય વર્ષ ૨૦૨૧માં તેના રિટેલર આઉટલેટ્‌સ ૩૦,૫૭૦ થી ૩.૫ ગણા વધારીને નાણાકીય વર્ષ ૨૦૨૧ થી ૨૦૩૨ માં ૧૦૬,૬૨૬ કરી દીધા છે. અનેક પહેલો હાથ ધરવા; અને
• તેના ઉત્પાદનોમાં ૩૫ આંતરરાષ્ટ્રીય ઉત્પાદન પ્રમાણપત્રો છે, જે ૩૧ માર્ચ, ૨૦૨૩ સુધીમાં ભારતીય ગ્રાહક વિદ્યુત ઉદ્યોગમાં સાથીદારોમાં સૌથી વધુ સંખ્યામાંનું એક છે.
કંપની બે વ્યાપક સેગમેન્ટમાં ઉત્પાદોનું વેચાણ કરે છે – (૧) વાયર અને કેબલ્સ જેમાં હાઉસ વાયર, ઔદ્યોગિક વાયર, પાવર કેબલ અને ખાસ કેબલનો સમાવેશ થાય છે; અને (૨) પંખા, લાઇટિંગ, સ્વીચો અને ઉપકરણો સહિત એફએમઈજી. ૩૦ જૂન, ૨૦૨૩ ના રોજ પૂરા થયેલા ત્રણ મહિનામાં, (૧) વાયર અને કેબલ્સ સેગમેન્ટ (જેમાંની તમામ આવક હાઉસ વાયર પ્રોડક્ટ્‌સમાંથી ઓપરેશન્સમાંથી) ની કામગીરીમાંથી તેની ૭૧% આવક; અને (૨) ઈએમઈજી સેગમેન્ટની કામગીરીમાંથી ૯૭% આવક, બીરસી ચેનલમાંથી છે. તેના ઉત્પાદનનો અંતિમ ઉપયોગ નક્કી કરે છે કે વેચાણ બિઝનેસ-ટુ-બિઝનેસ (“બીરબી”) અથવા બીરસી ચેનલ દ્વારા છે.ટેકનોપેક અનુસાર, બીરસી વેચાણ બીરબી વેચાણની સરખામણીમાં વધુ ગ્રોસ માર્જિન પ્રદાન કરે છે.

આર કે એલ ‘ આર આર કબેલ’ બ્રાન્ડ હેઠળ (૧) વાયર અને કેબલ ઉત્પાદનોનું ઉત્પાદન, માર્કેટિંગ અને વેચાણ હાથ ધરે છે, અને (ર) ’આરઆર’ બ્રાન્ડ હેઠળ પંખા અને લાઇટ સહિત વિવિધ ગ્રાહક વિદ્યુત ઉત્પાદોનું ઉત્પાદન કરે છે. તે ‘લ્યુમિનસ ફેન્સ એન્ડ લાઈટ્‌સ’ બ્રાન્ડ હેઠળ પંખા અને લાઈટ્‌સનું ઉત્પાદન, માર્કેટિંગ અને વેચાણ પણ કરે છે. તેની ‘આરઆર કબેલ’ બ્રાન્ડનો ૨૦ વર્ષથી વધુનો ઓપરેટિંગ ઈતિહાસ છે, જ્યારે ‘આરઆર’ અને ‘લ્યુમિનસ ફેન્સ એન્ડ લાઈટ્‌સ’ બ્રાન્ડ્‌સ અનુક્રમે ૭ વર્ષથી વધુ અને ૧૦ વર્ષથી વધુનો ઓપરેટિંગ ઈતિહાસ ધરાવે છે.

કંપનીની સમગ્ર ભારતમાં વિતરણની વ્યાપક હાજરી છે અને ૩૦ જૂન, ૨૦૨૩ સુધીમાં, તેની પાસે બિન-વિશિષ્ટ ધોરણે ૩,૪૫૦ વિતરકો, ૩,૬૫૬ ડીલરો અને ૧૧૪,૮૫૧ રિટેલર્સ હતા. ૩૦ જૂન, ૨૦૨૩ સુધીમાં, તેની સેલ્સ અને માર્કેટિંગ ટીમમાં ૭૮૯ કર્મચારીઓ હતા, જેઓ વિતરકો, ડીલરો અને છૂટક વિક્રેતાઓનું સંચાલન અને સંકલન કરે છે. કંપની માન્ય ઈ-કોમર્સ પ્લેટફોર્મ પર પણ હાજરી ધરાવે છે. ૩૦ જૂન, ૨૦૨૩ સુધીમાં, ભારતમાં ૧૭ રાજ્યો અને કેન્દ્રશાસિત પ્રદેશોમાં તેની પાસે ૨૧ વેરહાઉસ હતા. ૩૦ જૂન, ૨૦૨૩ સુધીમાં, તેના પગારપત્રક પર ૩૧૦૮ કર્મચારીઓ હતા.

ઈશ્યૂની વિગત અને મૂડીનો ઈતિહાસ

આ કંપની મેઈડન કોમ્બો આઈપીઓ દ્વારા રૂ. ૧૮૦.૦૦ કરોડ (આશરે ૧૭૩૯૧૩૬ શેર અપર કેપ મુજબ) નવા ઈક્વીટી શેર અને વેચાણ માટેના (ઓએફએસ)૧૭૨૩૬૮૦૮ શેર (રૂ. ૧૭૮૪.૦૧ કરોડની કિંમતના, અપર કેપના આધારે) લઈને મૂડી બજારમાં આવી રહી છે. આ માટે તેણે તેના રૂ. પ મૂળ કિંમત ધરાવતા શેરનું પ્રાઈઝબેન્ડ રૂ. ૯૮૩-રૂ. ૧૦૩૫નું નક્કી કરેલ છે. આમ અપરકેપ મુજબ રૂ. ૧૯૬૪.૦૧ કરોડ એકત્રિત કરવા માટેના એકંદર આઈપીઓનું કદ ૧૮૯૭૫૯૪૪ શેર હશે. જાહેર ભરણા માટે આ ઈશ્યૂ તા.૧૩ સપ્ટેમ્બર , ર૦ર૩ ના રોજ ખુલશે છે અને તા.૧૫ સપ્ટેમ્બર, ર૦ર૩ ના રોજ બંધ થશે. ઓછામાં ઓછી અરજી ૧૪ શેર માટે અને તે પછી તેના ગુણાંકમાં કરવાની રહેશે. ફાળવણી પછી, શેર બીએસઈ અને એનએસઈ પર સૂચિબદ્ધ થશે. ઇશ્યૂ કંપનીની પોસ્ટ-ઇશ્યૂ પેઇડ-અપ મૂડીના ૧૬.૮૨ % હિસ્સો ધરાવશે. તાજા ઇક્વિટી ઇશ્યુની ચોખ્ખી આવકમાંથી, કંપની રૂ. ૧૩૬.૦૦ કરોડ સંપૂર્ણ અથવા આંશિક ઋણની પુનઃચુકવણી/પૂર્વચુકવણી માટે અને બાકીની સામાન્ય કોર્પોરેટ હેતુઓ માટે ખર્ચશે.
આ કંપનીએ રૂ.૧૦.૮૦ કરોડના મૂલ્યના ઇક્વિટી શેર પાત્ર કર્મચારીઓ માટે અનામત રાખ્યા છે. અને તેમને રૂ.૯૮ પ્રતિ શેરનું ડિસ્કાઉન્ટ ઓફર કરે છે. બાકીના ભાગમાંથી, તેણે કયુઆઈબીમાટે ૫૦% કરતાં વધુ, એચએનઆઈ માટે ૧૫% કરતાં ઓછા નહીં અને નાના રોકાણકારો માટે ૩૫% કરતાં ઓછા તેટલા શેર ફાળવયા છે.
એક્સિસ કેપિટલ લિ., સિટીગ્રુપ ગ્લોબલ માર્કેટ્‌સ ઇન્ડિયા પ્રા. લિ., એચએસબીસી સિક્યોરિટીઝ એન્ડ કેપિટલ માર્કેટ્‌સ (ઈન્ડિયા) પ્રા. લિ., અને જેએમ ફાઇનાન્શિયલ લિ. ઇશ્યૂના સંયુક્ત બુક રનિંગ લીડ મેનેજર્સ (બીઆરએલએમ) છે અને લિન્ક ઇન્ટાઇમ ઇન્ડિયા પ્રા. લિ. ઇશ્યૂના રજિસ્ટ્રાર છે.

સમાન મૂલ્ય પર પ્રારંભિક ઇક્વિટી શેર જારી કર્યા પછી, કંપનીએ માર્ચ ૨૦૦૪ અને ઓગસ્ટ ૨૦૨૩ વચ્ચે રૂ.૭.૫૦ – રૂ. ૧૫૦.૦૦ (રૂ. ૫ મૂળ કિંમતના આધારે)ની કિંમતની શ્રેણીમાં વધુ ઇક્વિટી શેર જારી/રૂપાંતરિત કર્યા. તેણે નવેમ્બર ૨૦૦૭ માં ૧૦ માટે ૩ અને માર્ચ ૨૦૨૩ માં ૧ માટે ૧ ના ગુણોત્તરમાં બોનસ શેર પણ જારી કર્યા છે. શેરના સંપાદનની સરેરાશ કિંમત પ્રમોટરો/સેલિંગ હિસ્સેદારો દ્વારા રૂ. ૦.૬૨, રૂ. ૧.૬૨, રૂ. ૧.૬૫, રૂ. ૨.૪૬, રૂ. ૩.૩૬, રૂ. ૩.૭૭, રૂ. ૫.૪૨, રૂ. ૫.૮૨, રૂ. ૭.૦૫, રૂ. ૭.૧૨, રૂ. ૭.૬૮, અને રૂ. ૨૭૦.૦૮ પ્રતિ શેર છે.
આઈપીઓ પછી, આ કંપનીની વર્તમાન પેઇડ-અપ ઇક્વિટી મૂડી રૂ.૫૫.૩૩ કરોડ (૧૧૧૦૬૮૮૫૬ શેર) છે જે વધીને રૂ. ૫૬.૪૦ કરોડ થશે. આઈ પી ઓના પ્રાઈઝબેન્ડના અપરકેપના આધારે, કંપની રૂ.૧૧૬૭૫ કરોડ ની માર્કેટ કેપ નિહાળી રહી છે.

આર્થિક દેખાવ

આર્થિક દેખાવને મોરચે, છેલ્લા ત્રણ નાણાકીય વર્ષમાં , આ કંપનીએ (કોન્સોલીડેટેડ આધારે) કુલ કુલ આવક / ચોખ્ખો નફો રૂ. ૨૭૪૫.૯૪ કરોડ / રૂ. ૧૩૫.૪૦ કરોડ (ના. વ. ૨૧), રૂ. ૪૪૩૨.૨૨ કરોડ / રૂ. ૨૧૩.૯૪ કરોડ (ના. વ.૨૨), અને રૂ. ૫૬૩૩.૬૪ કરોડ / રૂ. ૧૮૯.૮૭ કરોડ (ના. વ.૨૩)..નોંધાવેલ છે. ૩૦ જૂન, ૨૦૨૩ ના રોજ સમાપ્ત થયેલ ના. વ. ૨૪ ના પ્રથમ ત્રિમાસિક ગાળા માટે, તેણે રૂ.૧૬૧૩.૬૦ કરોડ ની કુલ આવક પર રૂ.૭૪.૩૫ કરોડ નો ચોખ્ખો નફો મેળવ્યો.
છેલ્લા ત્રણ નાણાકીય વર્ષમાં આ કંપનીની સરેરાશ ઈપીએસ રૂ.૧૬.૯૭ (ફુલી ડાયલુટેડ) અને સરેરાશ આરઓએનડબલ્યુ ૧૪.૭૮ % દર્શાવેલ છે. ઇશ્યૂની કિંમત તા.૩૦ જુન, ૨૦૨૩ ના રોજ તેના એનએવી રૂ.૧૩૪.૫૭ ના આધારે ૭.૬૯ના પી/બીવીથી આવે છે.અને આઈ પી ઓ પછીના એન એ વી રૂ. ૧૪૮.૪૪ મુજબ (અપરકેપના આધારે)૬.૯૭ ના પી/બીવીથી આવે છે.
જો આપણે નાણાકીય વર્ષ ૨૪ ની કમાણીને આઈ પી ઓ પછીની સંપૂર્ણ પાતળી પેઇડ-અપ ઇક્વિટી મૂડીનેઆધારે ગણીએ, તો માગવામાં આવેલ કિંમત ૩૯.૨૬ ના પી/ઈ પર આવે છે, આમ આ ઇશ્યૂ પૂર્ણ કિંમતનો દેખાય છે.
કંપનીએ અનુક્રમે અનુરૂપ સમયગાળા મુજબ પીએટી માર્જિન૪.૯૩% (ના. વ.૨૧), ૪.૮૩% (ના. વ. ૨૨), ૩.૩૩૭% (ના.વ.૨૩), અને ૪.૬૧% (પ્રથમ ત્રિમાસિક ગાળો -ના.વ.૨૪) અને ૧૩.૫૯%, ૧૭.૪૧%, ૧૫.૫૭% અને ૫.૯૫% ના આરઓસીઈ નોંધાવ્યા છે.

ડિવિડન્ડ પોલિસીઃ

કંપનીએ અત્યાર સુધીમાં ૧૦૦% (ના. વ.૨૨), ૧૮૦% (ના. વ.૨૩) અને ૯૦% (ના. વ. ૨૪) ના ડિવિડન્ડની જાહેરાત કરી છે.. તે તેની નાણાકીય કામગીરી અને ભાવિ સંભાવનાઓના આધારે લિસ્ટિંગ પછી યોગ્ય ડિવિડન્ડ નીતિ અપનાવશે.
લીસ્ટેડ સમાન કંપનીઓ સાથે સરખામણી
ઓફર ડોક્યુમેન્ટ મુજબ, આરકેએલએ હેવેલ્સ ઈન્ડિયા, પોલીકેબ ઈન્ડિયા, કેસઈલ ઈન્ડ, ફીનોલેકસ કેબલ્સ, વી ગાર્ડ ઈન્ડ., ક્રોમ્પટન ગ્રીવ્સ કન્ઝયુમર અને બજાજ ઈલેકટ્રીકલ્સને તેમના લિસ્ટેડ પીઅર તરીકે દર્શાવ્યા છે. તેઓ ૮૧.૧૫, ૫૩.૪૯, ૪૫.૮૭, ૩૨.૨૨, ૭૬.૭૨, ૪૩.૬૩ અને ૫૯.૩૮ (સપ્ટેમ્બર ૦૮, ૨૦૨૩) ના પી/ઈ પર ટ્રેડિંગ કરી રહ્યા છે. જો કે, તેઓ ખરેખર ચૂસ્ત રીતે તુલનાત્મક નથી.

મર્ચંટ બેંકરનો ટ્રેક રેકર્ડ

ઓફર સાથે સંકળાયેલા ચાર બીઆરએલએમ એ છેલ્લા ત્રણ વર્ષમાં ૬૧ જાહેર ઇશ્યુ હેન્ડલ કર્યા છે જેમાંથી ૨૦ ઇશ્યુ લિસ્ટિંગ તારીખે ઓફરની કિંમતથી નીચે બંધ થયા છે.

નિષ્કર્ષ / રોકાણ વ્યૂહરચના

કંપની અગ્રણી ભારતીય કન્ઝ્યુમર ઇલેક્ટ્રિકલ ગુડ્‌સ ઉત્પાદકોમાંની એક છે અને ગુણવત્તાયુક્ત ઉત્પાદનો સાથે બ્રાન્ડ મૂલ્યનો આનંદ માણે છે. તેણે તેની ટોચની લાઇનમાં સ્થિર વૃદ્ધિ નોંધાવી છે પરંતુ ના. વ.૨૩ માટે માર્જિન પર દબાણ સહન કર્યું છે. ના.વ.૨૪ ની વાર્ષિક કમાણીના આધારે, ઇશ્યૂ સંપૂર્ણ કિંમતનો દેખાય છે. રોકાણકારો આ લાંબી રેસના ઘોડામાં મધ્યમથી લાંબા ગાળાના વળતર માટે રોકાણ કરી શકે છે.

Review Author