ઓગમોન્ટ એન્ટરપ્રાઈઝિસ આઈપીઓ સમીક્ષા

Courtesy:  https://www.chittorgarh.com/

Review By Dilip Davda on August, 2026

• કંપની ભારતમાં વ્યવસાયો અને ગ્રાહકોને સેવા આપતું એક સંકલિત ગોલ્ડ અને સિલ્વર પ્લેટફોર્મ છે.
• તે ૨૪ રાજ્યોમાં હાજરી ધરાવે છે અને ગોલ્ડ અને સિલ્વર વેલ્યુ ચેઈન માટે એક જ છત હેઠળ તમામ સેવાઓ પૂરી પાડે છે.
• એઈએલ એ ભારતમાં બહુ ઓછી કંપનીઓમાંથી એક છે જે સોના અને ચાંદીની ખરીદી માટે ઓનલાઈન અને ઓફલાઈન બંને ચેનલો પર હાજરી ધરાવે છે.
• કંપનીએ અહેવાલ આપેલી મુદતો માટે તેની ટોચની અને તળિયાની લાઈનમાં સ્થિર વૃદ્ધિ નોંધાવી છે.
• તેના તાજેતરના નાણાકીય ડેટાના આધારે, આ ઈશ્યૂ પૂરેપૂરી કિંમત ધરાવતો જણાય છે.
• સુમાહિતગાર રોકાણકારો મધ્યમથી લાંબા ગાળાના વળતર માટે ભંડોળ રોકી શકે છે.

કંપની વિશેઃ
ઓગમોન્ટ એન્ટરપ્રાઈઝિસ લિમિટેડ (એઈએલ) એ ૩૧ માર્ચ, ૨૦૨૬ ના રોજ ૨૪ રાજ્યોમાં હાજરી સાથે ભારતમાં વ્યવસાયો અને ગ્રાહકોને સેવા આપતું એક સંકલિત ગોલ્ડ અને સિલ્વર પ્લેટફોર્મ છે. તેની કામગીરી ગોલ્ડ અને સિલ્વર વેલ્યુ ચેઈનના બહુવિધ વિભાગોમાં વિસ્તરેલી છે જેમાં ખરીદી અને રિફાઈનિંગ, બુલિયન ટ્રેડિંગ, ડિજિટલ ગોલ્ડ ઓફરિંગ્સ, જ્વેલરી ઉત્પાદન, આંતરરાષ્ટ્રીય વેચાણ અને ગોલ્ડ-બેક્ડ ફાઇનાન્શિયલ સર્વિસિસ સુવિધા પૂરી પાડવાનો સમાવેશ થાય છે. ઈન્ડિયા ગોલ્ડ કોન્ફરન્સ દ્વારા તેને ભારતનું ’નંબર ૧ ગોલ્ડ પ્લેટફોર્મ ઓફ ધ ઈયર ૨૦૨૪-૨૦૨૫’ તરીકે માન્યતા આપવામાં આવી છે. (સ્રોતઃ ટેક્નોપાક અહેવાલ)

સોના અને ચાંદીની ખરીદી માટે ઓનલાઈન અને ઓફલાઈન બંને ચેનલો પર હાજરી ધરાવતી એઈએલ ભારતમાં બહુ ઓછી કંપનીઓમાંની એક છે. (સ્રોતઃ ટેક્નોપાક અહેવાલ) તે અલગ અલગ ઓનલાઈન પ્લેટફોર્મ દ્વારા બે બિઝનેસ વર્ટિકલ્સમાં કામ કરે છે, જે તેના ભૌતિક વિતરણ નેટવર્ક દ્વારા પૂરક છેઃ(૧) એન્ટરપ્રાઈઝ વેચાણ (તેના ’ઓગમોન્ટ સ્પોટ’ પ્લેટફોર્મ દ્વારા) અને આંતરરાષ્ટ્રીય વેચાણ; અને (૨) ગ્રાહક-કેન્દ્રિત ઓફરિંગ્સ, જે તેના ‘ઓગમોન્ટ ગોલ્ડ ફોર ઓલ’ પ્લેટફોર્મ અને ઓફલાઈન ચેનલો દ્વારા પહોંચાડવામાં આવે છે.

કંપની ‘ઓગમોન્ટ સ્પોટ’ પ્લેટફોર્મ દ્વારા તેના એન્ટરપ્રાઈઝ વેચાણનો વ્યવસાય ચલાવે છે, જે સંપૂર્ણ ઈલેક્ટ્રોનિક, ઓવર-ધ-કાઉન્ટર ડિલિવરી-આધારિત બુલિયન પ્લેટફોર્મ છે જે ૨૦૧૨માં કાર્યરત થયું હતું. આ પ્લેટફોર્મ માન્ય જીએસટી રજીસ્ટ્રેશન ધરાવતા જ્વેલર્સ, બુલિયન ડીલર્સ અને ઉત્પાદકો જેવા વ્યવસાયોને તેના સ્પોટ ડિલિવરી સેન્ટરો પર નિશ્ચિત ભૌતિક ડિલિવરી સાથે ઓનલાઈન ગોલ્ડ અને સિલ્વર બાર્સ ખરીદવા માટે સક્ષમ બનાવે છે. તે યુઝર્સને રીયલ-ટાઈમ પ્રાઇસ ડિસ્કવરી અને સ્પર્ધાત્મક દરોથી લાભ મેળવવા માટે પણ સક્ષમ બનાવે છે, જ્યારે તેમને ૩૧ માર્ચ, ૨૦૨૬ ના રોજ ભારતના ૧૩ રાજ્યોમાં ૨૦ સ્પોટ ડિલિવરી સેન્ટરો દ્વારા ડિલિવરી માટે ઓર્ડર આપવાની મંજૂરી આપે છે. આમાંથી, નવ સ્પોટ ડિલિવરી સેન્ટરો સીધા એઈએલ દ્વારા સંચાલિત થાય છે, જ્યારે ૧૧ ફ્રેન્ચાઈઝી દ્વારા ચલાવવામાં આવે છે. ડિલિવરી સામાન્ય રીતે પ્લેટફોર્મ પર ઓર્ડર આપ્યાના બે કામકાજના દિવસોમાં પૂરી કરવામાં આવે છે. તે ગોલ્ડ એક્સચેન્જ ટ્રેડેડ ફંડ્‌સ (“ઈટીએફ”) ના યુનિટ્‌સના બદલામાં એસેટ મેનેજમેન્ટ કંપનીઓને ગોલ્ડ બુલિયનના વેચાણ અને ગોલ્ડ અને સિલ્વર ઈટીએફ યુનિટ્‌સના વેપારમાં પણ સામેલ છે.

ઓગમોન્ટ સ્પોટ તેની કુલ આવકમાં સિંહફાળો ધરાવે છે, ત્યાર પછી સિલ્વર અને અન્ય ઓફરિંગ્સ/સેવાઓ આવે છે. વિતેલા વર્ષોમાં, તેણે તેના ’ઓગમોન્ટ સ્પોટ’ પ્લેટફોર્મ પર વેચાતા ગોલ્ડ અને સિલ્વર ઉત્પાદનો માટે ટેકનોલોજી-આધારિત પ્રાઇસ ડિસ્કવરી મિકેનિઝમ વિકસાવ્યું છે અને અમલમાં મૂક્યું છે. આ મિકેનિઝમ માર્કેટ-લિંક્ડ સ્પોટ કિંમતો સુધી રીયલ-ટાઈમ પહોંચ સક્ષમ કરે છે અને તેના ઉત્પાદનો માટે પારદર્શક, સ્પર્ધાત્મક ભાવોને ટેકો આપે છે. એઈએલ તેને મળેલા ઓર્ડરના આધારે જ્વેલરી વેપારીઓને ગોલ્ડ જ્વેલરીની વસ્તુઓ, ખાસ કરીને ચેઈનનું ઉત્પાદન કરે છે અને વેચે છે. તેના આંતરરાષ્ટ્રીય વેચાણે નાણાકીય વર્ષ ૨૬ માટે તેના મહેસૂલમાં આશરે ૬% યોગદાન આપ્યું હતું.

કંપની સીતાપુરા એસઈઝેડ, જયપુર, રાજસ્થાન ખાતે સ્થિત તેના યુનિટમાં ઉત્પાદનોનું ઉત્પાદન કરે છે, જે ૩૧ માર્ચ, ૨૦૨૬ ના રોજ ૧૩.૮૦ એમટીપીએ ની સ્થાપિત ક્ષમતા ધરાવે છે, અને હોંગકોંગ, તુર્કી અને યુએઈ જેવા આંતરરાષ્ટ્રીય બજારોમાં તેનું વેચાણ કરે છે. વધુમાં, તેની રિફાઈનિંગ કામગીરી માટે, ૩૧ માર્ચ, ૨૦૨૬ ના રોજ રુદ્રપુર, ઉત્તરાખંડ અને મુંબઈ, મહારાષ્ટ્રમાં તેની બે ગોલ્ડ અને સિલ્વર રિફાઈનિંગ યુનિટ્‌સ છે. ઉક્ત તારીખ સુધીમાં, તેના પેરોલ પર ૨૯૬ કર્મચારીઓ અને ૧ કરાર આધારિત કર્મચારી હતો.

ઈશ્યૂની વિગતો/મૂડીનો ઈતિહાસઃ
કંપની રૂ ૮૨૫ કરોડના મૂલ્યનો (અપર કેપ પર આશરે ૧૦૪૬૯૫૪૩ ઈક્વિટી શેર્સ) તેનો પ્રથમ બુક બિલ્ડિંગ રૂટ કોમ્બો આઈપીઓ લાવી રહી છે. આઈપીઓમાં રૂ ૬૨૦.૦૦ કરોડ મૂલ્યના ઈક્વિટી શેર્સ (અપર કેપ પર આશરે ૭૮૬૮૦૨૦ ઈક્વિટી શેર્સ) અને રૂ ૨૦૫ કરોડ મૂલ્યની ઓફર ફોર સેલ (ઓએફએસ) (અપર કેપ પર આશરે ૨૬૦૧૫૨૩ ઈક્વિટી શેર્સ) નો સમાવેશ થાય છે. કંપનીએ રૂ ૫ ના પ્રત્યેક ઈક્વિટી શેર દીઠ રૂ ૭૫૦ – રૂ ૭૮૮ ની પ્રાઈસ બેન્ડ જાહેર કરી છે. આ ઈશ્યૂ ૨૧ ઓગસ્ટ, ૨૦૨૬ના રોજ સબ્સ્ક્રિપ્શન માટે ખુલશે અને ૨૫ ઓગસ્ટ, ૨૦૨૬ના રોજ બંધ થશે. લઘુત્તમ અરજી ૧૯ શેર્સ માટે અને ત્યાર પછી તેના ગુણાંકમાં કરવાની રહેશે. ફાળવણી પછી, શેર્સ બીએસઈ અને એનએસઈ પર લિસ્ટેડ થશે. આ ઈશ્યૂ આઈપીઓ પછીની પેડ-અપ ઈક્વિટી મૂડીના ૧૧.૪૬% છે. નવા ઈક્વિટી ઈશ્યૂની ચોખ્ખી આવકમાંથી, કંપની ઈન્વેન્ટરી, એડવાન્સ માર્જિન અને સંબંધિત ખર્ચાઓના ભંડોળ માટે કેપેક્સ તરીકે રૂ ૪૬૫.૦૦ કરોડ અને બાકીની રકમ સામાન્ય કોર્પોરેટ હેતુઓ માટે વાપરશે.
કંપનીએ તેના પાત્ર કર્મચારીઓ માટે રૂ ૪.૦૦ કરોડ મૂલ્યના ઈક્વિટી શેર્સ (અપર કેપ પર આશરે ૫૦૭૬૧ ઈક્વિટી શેર્સ) અનામત રાખ્યા છે અને બાકીનામાંથી, ક્યુઆઈબી માટે ૫૦% થી વધુ નહીં, રિટેલ માટે ૩૫% થી ઓછું નહીં અને એચએનઆઈ રોકાણકારો માટે ૧૫% થી ઓછું નહીં ફાળવ્યું છે.

આ ઈશ્યૂ માટે સંયુક્ત બુક રનિંગ લીડ મેનેજર્સ (બીઆરએલએમ) નુવામા વેલ્થ મેનેજમેન્ટ લિમિટેડ, ઈન્ટેન્સિવ ફિસ્કલ સર્વિસિસ પ્રાઈવેટ લિમિટેડ, જેએમ ફાઇનાન્શિયલ લિમિટેડ, અને મોતીલાલ ઓસવાલ ઈન્વેસ્ટમેન્ટ એડવાઈઝર્સ લિમિટેડ છે, જ્યારે એમયુએફજી ઈન્ટીમ ઈન્ડિયા પ્રાઈવેટ લિમિટેડ ઈશ્યૂના રજિસ્ટ્રાર છે. જેએમ ફાઇનાન્શિયલ સર્વિસિસ લિમિટેડ, મોતીલાલ ઓસવાલ ફાઇનાન્શિયલ સર્વિસિસ લિમિટેડ, અને નુવામા વેલ્થ મેનેજમેન્ટ લિમિટેડ સિન્ડિકેટ મેમ્બર્સ છે.

સમમૂલ્ય પર પ્રારંભિક ઈક્વિટી શેર્સ ઈશ્યૂ કર્યા પછી, કંપનીએ ઓગસ્ટ ૨૦૨૫માં શેર દીઠ રૂ ૬૭૮.૫૧ ની કિંમતે (રૂ ૫ એફવી ના આધારે) વધુ ઈક્વિટી શેર્સ ઈશ્યૂ/રૂપાંતરિત કર્યા છે, અને જૂન ૨૦૨૫માં ૮ પર ૧ ના પ્રમાણમાં બોનસ શેર્સ પણ ઈશ્યૂ કર્યા છે. પ્રમોટર્સ/વેચાણ કરતા ભાગીદારો દ્વારા શેર્સના અધિગ્રહણનો સરેરાશ ખર્ચ શેર દીઠ રૂ ૦.૦૦ અને રૂ ૧.૮૬ છે.

આઈપીઓ પછી, તેની રૂ ૪૧.૭૫ કરોડની વર્તમાન પેડ-અપ ઈક્વિટી મૂડી વધીને રૂ ૪૫.૬૯ કરોડ થશે. પ્રાઈસ બેન્ડની અપર કેપના આધારે, કંપની રૂ ૭૨૦૦.૨૩ કરોડના માર્કેટ કેપની અપેક્ષા રાખી રહી છે.

નાણાકીય કામગીરીઃ
નાણાકીય કામગીરીના મોરચે, છેલ્લા ત્રણ નાણાકીય વર્ષો માટે, કંપનીએ (એકત્રિત ધોરણે) કુલ આવક/ચોખ્ખો નફો રૂ ૩૪૯૪૮.૯૦ કરોડ / રૂ ૭૫.૯૭ કરોડ (નાણાકીય વર્ષ ૨૪), રૂ ૬૬૨૫૨.૦૫ કરોડ / રૂ ૨૨૭.૧૯ કરોડ (નાણાકીય વર્ષ ૨૫), અને રૂ ૯૪૨૮૨.૪૭ કરોડ / રૂ ૩૪૮.૩૦ કરોડ (નાણાકીય વર્ષ ૨૬) નોંધાવ્યો છે. કંપનીએ અહેવાલ આપેલી મુદતો માટે તેની ટોચની અને તળિયાની લાઈનમાં સ્થિર વૃદ્ધિ નોંધાવી છે. ૩૧ માર્ચ, ૨૦૨૬ ના રોજ તેની સંભવિત જવાબદારી રૂ ૧૫.૦૬ કરોડ હતી.
મેનેજમેન્ટના જણાવ્યા અનુસાર, તેણે જ્વેલર્સ, ગ્રાહકો, રિટેલ રોકાણકારો માટે ગોલ્ડ અને સિલ્વર ટ્રેડ્‌સ માટે એક વિશિષ્ટ પ્લેટફોર્મ બનાવ્યું છે અને તેની મજબૂત છાપ સાથે સ્થાન મેળવી રહ્યું છે તથા સંપૂર્ણ પારદર્શક પ્લેટફોર્મ સુરક્ષા તેમજ અસલી, મૂળ અને હોલમાર્કવાળા ઉત્પાદનો પૂરા પાડે છે. સોના અને ચાંદીના વધતા ભાવો સાથે, આ વિભાગ માટેના સામાન્ય વલણો અનુસાર તેની ટોચની અને તળિયાની લાઈનમાં ઉછાળો આવ્યો છે. મેનેજમેન્ટ નાણાકીય વર્ષ ૨૫ અને નાણાકીય વર્ષ ૨૬ માટે સ્થાપિત વલણો જાળવી રાખવા અંગે આત્મવિશ્વાસ ધરાવે છે.

છેલ્લા ત્રણ નાણાકીય વર્ષો માટે, કંપનીએ સરેરાશ ઈપીએસ રૂ ૩૦.૭૦ અને સરેરાશ આરઓએનડબલ્યુ ૫૫.૨૫% નોંધાવ્યો છે. ૩૧ માર્ચ, ૨૦૨૬ ના રોજ તેના રૂ ૧૧૧.૦૦ ના એનએવીના આધારે ઈશ્યૂની કિંમત ૭.૧૦ ના પી/બીવી પર છે, અને અપર કેપ પર શેર દીઠ રૂ ૧૬૯.૨૯ ના આઈપીઓ પછીના એનએવીના આધારે ૪.૬૫ ના પી/બીવી પર છે.

જો આપણે નાણાકીય વર્ષ ૨૬ ની ઉત્કૃષ્ટ કમાણીને તેની આઈપીઓ પછીની સંપૂર્ણ રીતે પાતળી થયેલી પેડ-અપ ઈક્વિટી મૂડી સાથે સાંકળીએ, તો માંગવામાં આવેલી કિંમત ૨૦.૬૭ ના પી/ઈ પર છે. નાણાકીય વર્ષ ૨૫ ની કમાણીના આધારે, પી/ઈ ૩૧.૭૦ પર રહે છે. તેની તાજેતરની સરેરાશ કામગીરીના આધારે ઈશ્યૂ પૂરેપૂરી કિંમત ધરાવતો જણાય છે.

અહેવાલ આપેલી મુદતો માટે, કંપનીએ સંદર્ભિત મુદતો માટે અનુક્રમે ૦.૨૨% (નાણાકીય વર્ષ ૨૪), ૦.૩૪% (નાણાકીય વર્ષ ૨૫), ૦.૩૭% (નાણાકીય વર્ષ ૨૬) ના પીએટી માર્જિન અને ૪૯.૨૭%, ૭૦.૧૦%, ૪૦.૨૭% ના આરઓસીઈ માર્જિન નોંધાવ્યા છે.

ડિવિડન્ડ નીતિઃ
ઓફર દસ્તાવેજમાં અહેવાલ આપેલ મુદતો માટે કંપનીએ કોઈ ડિવિડન્ડ ચૂકવ્યું નથી. તેણે તેની નાણાકીય કામગીરી અને ભવિષ્યની સંભાવનાઓના આધારે જૂન ૨૦૨૫માં ડિવિડન્ડ નીતિ અપનાવી લીધી છે.

લિસ્ટેડ પીઅર્સ સાથે સરખામણીઃ
ઓફર દસ્તાવેજ મુજબ, કંપની પાસે સરખામણી કરવા માટે કોઈ લિસ્ટેડ પીઅર્સ નથી.

મર્ચન્ટ બેન્કરનો ટ્રેક રેકોર્ડઃ
આ ઈશ્યૂ સાથે સંકળાયેલા ચાર બીઆરએલએમએ છેલ્લા ત્રણ નાણાકીય વર્ષોમાં ૯૩ આઈપીઓ સંભાળ્યા છે જેમાંથી ૩૧ ઈશ્યૂ લિસ્ટિંગ તારીખે ઈશ્યૂ કિંમતથી નીચે બંધ થયા હતા.

નિષ્કર્ષ / રોકાણની વ્યૂહરચનાઃ
એઈએલ ભારતમાં વ્યવસાયો અને ગ્રાહકોને સેવા આપતું એક સંકલિત ગોલ્ડ અને સિલ્વર પ્લેટફોર્મ છે. તે ૨૪ રાજ્યોમાં હાજરી ધરાવે છે અને ગોલ્ડ અને સિલ્વર વેલ્યુ ચેઈન માટે એક જ છત હેઠળ તમામ સેવાઓ પૂરી પાડે છે. એઈએલ એ ભારતમાં બહુ ઓછી કંપનીઓમાંથી એક છે જે સોના અને ચાંદીની ખરીદી માટે ઓનલાઈન અને ઓફલાઈન બંને ચેનલો પર હાજરી ધરાવે છે. કંપનીએ અહેવાલ આપેલી મુદતો માટે તેની ટોચની અને તળિયાની લાઈનમાં સ્થિર વૃદ્ધિ નોંધાવી છે. તેના તાજેતરના નાણાકીય ડેટાના આધારે, આ ઈશ્યૂ પૂરેપૂરી કિંમત ધરાવતો જણાય છે. સુમાહિતગાર રોકાણકારો મધ્યમથી લાંબા ગાળાના વળતર માટે ભંડોળ રોકી શકે છે.

Review By Dilip Davda on August, 2026

Review Author

DISCLAIMER: No financial information whatsoever published anywhere here should be construed as an offer to buy or sell securities, or as advice to do so in any way whatsoever. All matter published here is purely for educational and information purposes only and under no circumstances should be used for making investment decisions. My reviews do not cover GMP market and operators game plans. Readers must consult a qualified financial advisor before making any actual investment decisions, based the on information published here. With entry barriers, SEBI wants only well-informed investors to participate in such offers. With crazy listings in the recent past, SME IPOs drew the attention of investors across the board and lead to seer madness. However, as SME issues have entry barriers and continued low preference from the broking community, any reader taking decisions based on any information published here does so entirely at their own risk. The above information is based on information available as of date coupled with market perceptions. The Author has no plans to invest in this offer.

About Dilip Davda

Dilip Davda is veteran journalist associated with stock market since 1978. He is contributing to print and electronic media on stock markets/insurance/finance since 1985.

Dilip Davda is a leading reviewer of public issues and NCDs in the primary stock market in India. The knowledge he gained over 3 decades while working in the stock market and a strong relationship with popular lead managers makes his reviews unique. His detailed fundamental and financial analysis of companies coming up with IPOs helps investors in the primary stock market. Dilip Davda has a special interest in analyzing the SME companies and writing reviews about their public issues. His reviews are regularly published online and in news papers.

(Dilip Davda -SEBI registered Research Analyst-Mumbai,

Registration no. INH000003127 (Perpetual)

Email id: dilip_davda@rediffmail.com ).

Courtesy:  https://www.chittorgarh.com/